SignIn
Kerala Kaumudi Online
Monday, 28 September 2020 2.08 AM IST

കണ്ണീരോർമ്മയായി സഹർ....

sahar

ബെയ്റൂട്ട്: തനിക്കായി ഒരുക്കിയ സുന്ദര നിമിഷങ്ങളിൽ പങ്കു ചേരാനാവാതെ, ഇനിയൊരിക്കലും ഉണരാത്ത നിദ്ര‌യിലായിരുന്നു സഹർ. ബെയ്​റൂട്ട് സ്ഫോടനത്തിൽ കൊല്ലപ്പെട്ടവരിൽ ഒരാളാണ് സഹർ ഫാരിസെന്ന 27 കാരിയായ ഫയർ ബ്രിഗേഡ്​ ജീവനക്കാരി. പ്രതിശ്രുത വരനായ ഗിൽബർട്ട് കിരാനും ബന്ധുക്കളും ചേർന്ന് വികാരനിർഭരമായ വിവാഹപാർട്ടി​യാണ് കഴിഞ്ഞ വ്യാഴാഴ്​ച അവൾക്കായി ഒരുക്കിയത്. സ്വർണനിറത്തിലുള്ള എംബ്രോയിഡറി ചെയ്​ത വൈറ്റ്​ ഗൗണുകളണിഞ്ഞ വെഡ്ഡിംഗ് ബാൻഡിലെ ഗായകർ അവൾക്കായി ഇമ്പമുള്ള ഗാനങ്ങൾ വായിച്ചു. കൂട്ടുകാരും കുടുംബക്കാരും അവൾക്കുമേൽ പുഷ്പവൃഷ്ടി നടത്തി... ഒടുവിൽ യൂണിഫോം ധരിച്ച ഫയർഫൈറ്റർമാർ, സഹറിന്റെ മൃതശരീരമടങ്ങിയ പെട്ടി വാഹനത്തിലേക്ക് കയറ്റി. ഗിൽബർട്ട്​ പൊട്ടിക്കരഞ്ഞു കൊണ്ട് പറഞ്ഞുകൊണ്ടിരുന്നു..., 'നീ വരാനാഗ്രഹിച്ചവരെല്ലാം ഇവിടെയുണ്ട് സഹർ​, തൂവെള്ള വിവാഹ വസ്​ത്രത്തിലുണ്ടാകേണ്ടിയിരുന്ന നീയൊഴികെ...' ഈ ദൃശ്യങ്ങൾ സമൂഹമാദ്ധ്യമങ്ങളിലൂടെ പ്രചരിച്ചതോടെ, ലോകമൊന്നാകെ സഹറിനായി കണ്ണീരൊഴുക്കുകയാണ്. വടക്കൻ ലെബനനിലെ അൽ ക്വാ ഗ്രാമത്തിലാണ്​ സഹർ വളർന്നത്​. അലൂമിനിയം വെൽഡറായ പിതാവും സ്​കൂൾ ടീച്ചറായ മാതാവും രണ്ടു സഹോദരിമാരും അടങ്ങുന്ന കുടുംബത്തിന്​ സർക്കാർ ജോലി ഏറെ സഹായകമാകുമെന്ന കണക്ക് കൂട്ടലിലാണ്​ നഴ്​സായിരുന്ന സഹർ, വനിതകൾ സേവനം ചെയ്യാൻ മടിക്കുന്ന ഫയർ ബ്രിഗേഡിൽ എമർജൻസി മെഡിക്കൽ വർക്കറായി ജോലി നേടിയത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, BEIRUT
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.