അങ്കത്തിനൊരുങ്ങുന്നു അണിയറ

• തദ്ദേശ തിരഞ്ഞെടുപ്പ്: സംവരണ വാർഡുകളിലെ നറുക്കെടുപ്പ് 28 മുതൽ

പത്തനംതിട്ട : തദ്ദേശ തിരഞ്ഞെടുപ്പിന് മുന്നോടിയായി ജില്ലയിലെ ഗ്രാമപഞ്ചായത്ത്, ബ്ലോക്ക് പഞ്ചായത്ത് , ജില്ലാ പഞ്ചായത്ത് തലങ്ങളിലെ സംവരണ വാർഡുകൾ നിശ്ചയിക്കുന്നതിനുള്ള നറുക്കെടുപ്പ് ഈ മാസം 28, 29, 30, ഒക്‌ടോബർ 5 തീയതികളിൽ നടത്തും. കളക്ടറേറ്റ് കോൺഫറൻസ് ഹാളിലാണ് നറുക്കെടുപ്പ് . സംസ്ഥാന തിരഞ്ഞെടുപ്പ് കമ്മിഷൻ അംഗീകരിച്ച രാഷ്ട്രീയ പാർട്ടികളുടെ ഓരോ പ്രതിനിധികൾക്ക് പങ്കെടുക്കാം.
ഓരോ ബ്ലോക്കിന് കീഴിൽ വരുന്ന ഗ്രാമപഞ്ചായത്തുകളെ ഉൾക്കൊള്ളിച്ചാണ് നറുക്കെടുപ്പിനുള്ള സമയം നിശ്ചയിച്ചിരിക്കുന്നത്. ഗ്രാമ പഞ്ചായത്ത് സംവരണ വാർഡുകളുടെ നറുക്കെടുപ്പ് ഈ മാസം 28, 29, 30 തീയതികളിലാണ് . ബ്ലോക്ക് പഞ്ചായത്ത് സംവരണ നറുക്കെടുപ്പ് ഒക്‌ടോബർ 5ന് രാവിലെ 10 മുതലും ജില്ലാ പഞ്ചായത്ത് സംവരണ വാർഡുകളിലെ നറുക്കെടുപ്പ് വൈകിട്ട് നാലിനുമാണ് .
28ന് രാവിലെ 10 മുതൽ മല്ലപ്പള്ളി ബ്ലോക്ക് പരിധിയിലെ പഞ്ചായത്തുകളിലെയും ഉച്ചയ്ക്ക് 12.20 മുതൽ കോന്നി ബ്ലോക്ക് പരിധിയിലെ പഞ്ചായത്തുകളിലെയും നറുക്കെടുപ്പ് നടക്കും. 29ന് രാവിലെ 10 മുതൽ കോയിപ്രം ബ്ലോക്ക് പരിധിയിലെ പഞ്ചായത്തുകളിലെയും 11.30 മുതൽ പുളിക്കീഴ് ബ്ലോക്ക് പരിധിയിലെ പഞ്ചായത്തുകളിലെയും ഉച്ചയ്ക്ക് 1.30 മുതൽ റാന്നി ബ്ലോക്ക് പരിധിയിലെ പഞ്ചായത്തുകളിലേയും നറുക്കെടുപ്പ്. 30ന് രാവിലെ 10 മുതൽ ഇലന്തൂർ ബ്ലോക്ക് പരിധിയിലെ പഞ്ചായത്തുകളിലെയും 11.45 മുതൽ പന്തളം ബ്ലോക്ക് പരിധിയിലെ പഞ്ചായത്തുകളിലെയും ഉച്ചകഴിഞ്ഞ് രണ്ടു മുതൽ പറക്കോട് ബ്ലോക്ക് പരിധിയിലെ പഞ്ചായത്തുകളിലേയും സംവരണ വാർഡുകളിലെ നറുക്കെടുപ്പ് നടക്കും.
ഒക്‌ടോബർ 5ന് രാവിലെ 10 മുതൽ മല്ലപ്പള്ളി ബ്ലോക്കിലെ സംവരണ വാർഡുകളുടെയും 10.30 മുതൽ കോയിപ്രം ബ്ലോക്കിലെ സംവരണ വാർഡുകളുടേയും 11 മുതൽ പുളിക്കീഴ് ബ്ലോക്കിലെ സംവരണ വാർഡുകളുടെയും 11.30 മുതൽ ഇലന്തൂർ ബ്ലോക്കിലെ സംവരണ വാർഡുകളുടെയും 12 മുതൽ റാന്നി ബ്ലോക്കിലെ സംവരണ വാർഡുകളുടെയും 12.30 മുതൽ കോന്നി ബ്ലോക്കിലെ സംവരണ വാർഡുകളുടെയും ഉച്ചകഴിഞ്ഞ് 2 മുതൽ പന്തളം ബ്ലോക്കിലെ സംവരണ വാർഡുകളുടെയും 2.30 മുതൽ പറക്കോട് ബ്ലോക്കിലെ സംവരണ വാർഡുകളുടെയും സംവരണ വാർഡുകളിലെ നറുക്കെടുപ്പ് നടക്കും. ജില്ലാ പഞ്ചായത്ത് സംവരണ വാർഡുകളുടെ നറുക്കെടുപ്പ് ഒക്‌ടോബർ 5ന് വൈകിട്ട് നാലു മുതൽ നടക്കും.