SignIn
Kerala Kaumudi Online
Saturday, 28 November 2020 8.47 AM IST

വാക്സിൻ ‌ഡിസംബറിലെന്ന് സെറം ഇൻസ്റ്റിറ്റ്യൂട്ട്, അടുത്ത വർഷം പകുതിയോടെ ലഭ്യമാക്കും

serum

ന്യൂഡൽഹി: സെറം ഇൻസ്റ്റിറ്റ്യൂട്ടിൽ നിർമിക്കുന്ന ഓക്സ്‌ഫോർഡ് കൊവിഡ് വാക്‌സിൻ ഡിസംബർ ആദ്യം രാജ്യത്ത് തയ്യാറാകുമെന്ന് കമ്പനി മേധാവി അദാർ പൂനവാല.

നൂറ് മില്യൺ (പത്ത്‌കോടി) ഡോസുകൾ ഉൾപ്പെട്ട ആദ്യ ബാച്ച് 2021ലെ രണ്ടാമത്തെയോ മൂന്നാമത്തെയോ പാദത്തിൽ ലഭ്യമാക്കും.

'പരീക്ഷണങ്ങൾ ഡിസംബറോടെ പൂർത്തിയാകും. ജനുവരിയിൽ വാക്‌സിൻ ഇന്ത്യയിൽ അവതരിപ്പിക്കും. ബ്രിട്ടനിൽ നടക്കുന്ന അവസാന ഘട്ട പരീക്ഷണങ്ങളുടെ വിവരങ്ങൾ പുറത്തുവിടുകയും വിശദാംശങ്ങൾ കൈമാറുകയും ചെയ്താൽ വാക്‌സിൻ സുരക്ഷിതമാണെന്ന ആത്മവിശ്വാസം ലഭിക്കും.

അതിനുശേഷം രണ്ടോ മൂന്നോ ആഴ്ചകൾക്കകം നമുക്ക് അടിയന്തര ലൈസൻസിനുവേണ്ടി ഇന്ത്യൻ അധികൃതരെ സമീപിക്കാം. നടപടിക്രമങ്ങൾ രണ്ടോ മൂന്നോ ആഴ്ച നീണ്ടേക്കാം. എന്നാലും ഡിസംബറോടെ വാക്‌സിൻ യാഥാർത്ഥ്യമാകുമെന്നാണ് പ്രതീക്ഷ.

അതിനിടെ, എന്തൊക്കെ സംഭവിക്കുമെന്ന് പറയാനാകില്ല. കേന്ദ്ര ആരോഗ്യ മന്ത്രാലയ ഉദ്യോഗസ്ഥരാണ് നടപടികൾ സ്വീകരിക്കേണ്ടത്. വാക്‌സിന്റെ സുരക്ഷിതത്വം സംബന്ധിച്ച ആശങ്കകളൊന്നും ഇതുവരെ ഉയർന്നിട്ടില്ല. എല്ലാം നല്ലരീതിയിൽ മുന്നേറുന്നുവെന്നാണ് ആദ്യ സൂചനകൾ. വാക്‌സിനെക്കുറിച്ച് ദീർഘകാല അടിസ്ഥാനത്തിലുള്ള ധാരണ ലഭിക്കാൻ ഒന്നോ രണ്ടോ വർഷം വേണ്ടിവരും.

രണ്ട്‌ ഡോസ് എടുക്കേണ്ട വാക്‌സിനാവും വിപണിയിലെത്തുക. ഡോസുകൾക്കിടയിലുള്ള ഇടവേള 28 ദിവസമായിരിക്കും. വാക്‌സിന്റെ വിലയെപ്പറ്റി ഇപ്പോൾ ഒന്നും പറയാനാകില്ല. സർക്കാരുമായി ഇൻസ്റ്റിറ്റ്യൂട്ട് ചർച്ചകൾ നടത്തി വരികയാണ്. ഏതാനും 100 രൂപകളാവും വാക്‌സിനുവേണ്ടി ചെലവഴിക്കേണ്ടി വരികയെന്നാണ് ഇപ്പോൾ പറയാനാവുക. ബാക്കി തുക സർക്കാർ വഹിക്കും. സനോഫി ജി.എസ്‌.കെ.,മോഡേണ വാക്‌സിനുകളെക്കാൾ ചെലവ് കുറഞ്ഞ വാക്‌സിൻ സെറം ഇൻസ്റ്റിറ്റ്യൂട്ടിന്റേത് ആയിരിക്കുമെന്നും പൂനവാല അവകാശപ്പെട്ടു.

സ്മൃതി ഇറാനിയ്ക്ക് കൊവിഡ്

കേന്ദ്രമന്ത്രി സ്മൃതി ഇറാനിയ്ക്ക് കൊവിഡ് സ്ഥിരീകരിച്ചു. ട്വിറ്ററിലൂടെയാണ് മന്ത്രി അറിയിച്ചത്. താനുമായി സമ്പർക്കമുണ്ടായവർ പരിശോധന നടത്തണമെന്നും അവർ ആവശ്യപ്പെട്ടു.

​ ​മി​സോ​റാ​മി​ൽ​ ​ആ​ദ്യ​ ​മ​ര​ണം

മി​സോ​റാ​മി​ൽ​ ​കൊ​വി​ഡ് ​ബാ​ധി​ച്ചു​ള്ള​ ​ആ​ദ്യ​ ​മ​ര​ണം​ ​റി​പ്പോ​ർ​ട്ട് ​ചെ​യ്തു.​ 62​കാ​ര​നാ​ണ് ​ഇ​ന്ന​ലെ​ ​മ​രി​ച്ച​ത്.​ ​സം​സ്ഥാ​ന​ത്ത് ​ഇ​തു​വ​രെ​ 2,607​ ​കേ​സു​ക​ൾ. അ​തേ​സ​മ​യം​ ​ക​ഴി​ഞ്ഞ​ ​ദി​വ​സ​ത്തെ​ ​അ​പേ​ക്ഷി​ച്ച് ​ഇ​ന്ന​ലെ​ ​രാ​ജ്യ​ത്തെ​ ​കൊ​വി​ഡ് ​രോ​ഗി​ക​ളു​ടെ​ ​എ​ണ്ണ​ത്തി​ൽ​ ​നേ​രി​യ​ ​വ​ർ​ദ്ധ​ന. 24​ ​മ​ണി​ക്കൂ​റി​നി​ടെ​ 43,893​ ​രോ​ഗി​ക​ൾ.​ ​ഇ​തോ​ടെ​ ​മൊ​ത്തം​ ​രോ​ഗി​ക​ൾ​ 79,90,322​ ​ആ​യി. 24​ ​മ​ണി​ക്കൂ​റി​നി​ടെ​ 508​ ​മ​ര​ണം.​ ​ആ​കെ​ ​മ​ര​ണം​ 1,20,010.​ ​ഇ​തു​വ​രെ​ 72,59,509​ ​പേ​ർ​ ​രോ​ഗ​മു​ക്തി​ ​നേ​ടി.​ ​ഇ​നി​യൊ​രു​ ​അ​റി​യി​പ്പ് ​ഉ​ണ്ടാ​കും​ ​വ​രെ​ ​ഡ​ൽ​ഹി​യി​ലെ​ ​സ്‌​കൂ​ളു​ക​ൾ​ ​തു​റ​ക്കി​ല്ലെ​ന്ന് ​ഡ​ൽ​ഹി​ ​ആ​രോ​ഗ്യ​മ​ന്ത്രി​ ​മ​നീ​ഷ് ​സി​സോ​ദി​യ​ ​അ​റി​യി​ച്ചു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: SERUM INSTITUTE COVID VACCINE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.