SignIn
Kerala Kaumudi Online
Saturday, 16 January 2021 12.29 AM IST

സ്വപ്നയുടെ ശബ്ദസന്ദേശം പുറത്തായത് ക്രൈംബ്രാഞ്ച് അന്വേഷിക്കും

crime-branch

തിരുവനന്തപുരം: മുഖ്യമന്ത്രിക്കെതിരെ മൊഴിനൽകിയാൽ മാപ്പുസാക്ഷിയാക്കാമെന്ന് കേന്ദ്ര ഏജൻസികൾ നിർബന്ധിക്കുന്നതായി സ്വർണക്കടത്ത് കേസ് പ്രതി സ്വപ്ന സുരേഷിന്റേതായി പുറത്തുവന്ന ശബ്ദസന്ദേശത്തിന്റെ ഉറവിടവും ആധികാരികതയും ക്രൈംബ്രാഞ്ച് അന്വേഷിക്കും. വിശദമായ അന്വേഷണം ആവശ്യപ്പെട്ട് എൻഫോഴ്സ്മെന്റ് ഡയറക്ടറേറ്റ് ജയിൽ ഡി.ജി.പിക്ക് കത്തുനൽകിയതിനു പിന്നാലെയാണ് പ്രാഥമിക അന്വേഷണം ക്രൈംബ്രാഞ്ച് നടത്തുമെന്ന് ഡിജിപി ലോ‌ക്‌നാഥ് ബെഹ്റ വാർത്താക്കുറിപ്പിൽ അറിയിച്ചത്.

പൊലീസ് അന്വേഷിച്ചില്ലെങ്കിൽ ശബ്ദരേഖയിലെ സത്യംകണ്ടെത്താൻ ഇ.ഡി കേന്ദ്രഫോറൻസിക് ലബോറട്ടറികളുടെയോ സി-ഡാക്കിന്റെയോ സഹായം തേടാനിരിക്കുകയായിരുന്നു. എൻ.ഐ.എയ്ക്ക് സ്വന്തമായി സൈബർഫോറൻസിക് വിഭാഗമുണ്ട്. ഇ.ഡി കേസിലെ പ്രധാനപ്രതിയുടെ ശബ്ദരേഖ കേസുമായി നേരിട്ട് ബന്ധമുള്ളതായതിനാൽ അന്വേഷണമാവശ്യപ്പെട്ട് ഇ.ഡി കോടതിയെ സമീപിക്കാനും ഇടയുണ്ടായിരുന്നു. ഇത് മുൻകൂട്ടി കണ്ടാണ് ക്രൈംബ്രാഞ്ച് അന്വേഷണം പ്രഖ്യാപിച്ചത്. ശബ്ദം റെക്കാഡ് ചെയ്തത് ജയിലിൽ വച്ചല്ലെന്ന് അന്വേഷണത്തിൽ കണ്ടെത്തിയ സാഹചര്യത്തിൽ ഋഷിരാജ് സിംഗിന്റെ പരാതി നിലനിൽക്കുന്നതല്ലെന്നും അന്വേഷണം വേണ്ടെന്നുമായിരുന്നു വെള്ളിയാഴ്ച വരെ ബെഹ്റയുടെ നിലപാട്. ശബ്ദം തന്റേതാണെന്ന് സ്വപ്ന സമ്മതിച്ചെന്ന് വ്യാഴാഴ്ച തുറന്നുപറഞ്ഞ ജയിൽ ഡി.ഐ.ജി അജയകുമാർ, അന്വേഷണറിപ്പോർട്ടിൽ നിലപാട് മാറ്റിയിരുന്നു. സ്വപ്നയുടെ ശബ്ദവുമായി സാമ്യതയുണ്ടെങ്കിലും അവരുടെ ശബ്ദം തന്നെയാണെന്ന് സ്ഥിരീരിക്കാനായിട്ടില്ലെന്നും അട്ടക്കുളങ്ങര ജയിലിൽ വച്ചല്ല റെക്കാഡ് ചെയ്തതെന്നുമാണ് ജയിൽ ഡിജിപിക്ക് സമർപ്പിച്ച റിപ്പോർട്ടിലുള്ളത്. ജയിലിനുള്ളിൽ വച്ച് റെക്കാഡ് ചെയ്തതെന്ന് കണ്ടെത്തിയാൽ ജയിൽ ഉദ്യോഗസ്ഥർ ഉത്തരം പറയേണ്ടിവരും.

കണ്ടുപിടിക്കാൻ ഒരു പ്രയാസവുമില്ല

  • ശബ്ദരേഖ പുറത്തുവിട്ട പോർട്ടലിൽ നിന്ന് എഡിറ്ര് ചെയ്യാത്ത ഒറിജിനൽ ടേപ്പ് പിടിച്ചെടുക്കുകയാണ് ആദ്യംവേണ്ടത്.
  • തിരുവനന്തപുരത്തെ ഫോറൻസിക് ലബോറട്ടറിയിലെ ഫിസിക്സ് ഡിവിഷനു കീഴിലെ ഓഡിയോ–വീഡിയോ ലാബിൽ ഓഡിയോ അനാലിസിസ് പരിശോധനയുണ്ട്.
  • ശബ്ദ ആവൃത്തിയും മ​റ്റു സവിശേഷതകളും സൂക്ഷ്മമായി പരിശോധിക്കുന്ന ഓഡിയോ അനാലിസിസിന് കൃത്യതയേറെയാണ്.
  • സ്വപ്നയുടെ ശബ്ദം റെക്കാഡ് ചെയ്തശേഷമാണ് പുറത്തുവന്ന ശബ്ദവുമായി പരിശോധന നടത്തുക. ഫലം ഒരാഴ്ചയ്ക്കകം കിട്ടും.
JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CRIME BRANCH
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.