ഉദയ നിധി സ്റ്റാലിനെ വീണ്ടും അറസ്റ്റ് ചെയ്തു

ചെന്നൈ: തമിഴ്നാട്ടിൽ ഡി.എം.കെയുടെ തിരഞ്ഞെടുപ്പ് പ്രചാരണത്തിന് നേതൃത്വം നൽകിയ ഉദയനിധി സ്റ്റാലിനെ പൊലീസ് അറസ്റ്റ് ചെയ്തു. പ്രചാരണത്തിന് അനുമതിയില്ലെന്ന് കാട്ടി ഇതു രണ്ടാം വട്ടമാണ് ഡി.എം.കെയുടെ പ്രചാരണം പൊലീസ് തടയുന്നതും ഉദയനിധിയെ പൊലീസ് അറസ്റ്റ് ചെയ്യുന്നതും. കരുണാനിധിയുടെ ജന്മഗ്രാമമായ തിരുവാരൂരിലെ തിരുക്കുവളയിൽ നിന്നാണ് ഡി.എം.കെ യൂത്ത് വിംഗ് സെക്രട്ടറി കൂടിയായ ഉദയനിധിയെ കഴിഞ്ഞ ദിവസം അറസ്റ്റ് ചെയ്തതെങ്കിൽ ഇക്കുറി കസ്റ്റഡിയിലെടുത്തത് നാഗപട്ടണത്തു നിന്നായിരുന്നു. ഡി.എം.കെയുടെ തെരഞ്ഞെടുപ്പ് പ്രചാരണത്തിന് തുടക്കം കുറിച്ച യോഗവും പൊലീസ് തടഞ്ഞിരുന്നു.