ആലപ്പുഴയിൽ ഇന്നലെ 394 പേർക്ക് കൊവിഡ് സ്ഥിരീകരിച്ചു, 376 പേർക്കും സമ്പർക്കം വഴി

ആലപ്പുഴ: ജില്ലയിൽ ഇന്നലെ 394 പേർക്ക് കൊവിഡ് സ്ഥിരീകരിച്ചതോടെ ചികിവത്സയിലുള്ളവരുടെ ആകെ എണ്ണം 4623ആയി. ഇന്നലെ രോഗം സ്ഥിരീകരിച്ചവരിൽ ഒരാൾ വിദേശത്തു നിന്നും മൂന്നു പേർ അന്യസംസ്ഥാനങ്ങളിൽ നിന്നും എത്തിയതാണ്. 376പേർക്ക് സമ്പർക്കത്തിലൂടെയാണ് രോഗബാധ. 14 പേരുടെ സമ്പർക്ക ഉറവിടം വ്യക്തമല്ല. 548പേരുടെ പരിശോധനാഫലം നെഗറ്റീവായതോടെ രോഗ മുക്തരായവരുടെ എണ്ണം 44119 ആയി.

 ജില്ലയിൽ നിരീക്ഷണത്തിലുള്ളവർ: 9322

 വിവിധ ആശുപത്രികളിലുള്ളവർ: 1245

 ഇന്നലെ ആശുപത്രിയിൽ പ്രവേശിപ്പിച്ചവർ: 190

25 കേസുകൾ, 9 അറസ്റ്റ്

ജില്ലയിൽ കൊവിഡ് മാനദണ്ഡ ലംഘനവുമായി ബന്ധപ്പെട്ട് 25 കേസുകളിൽ 9 പേരെ അറസ്റ്റ് ചെയ്തു. മാസ്‌ക്ക്
ധരിക്കാത്തതിന് 197 പേർക്കും സാമൂഹ്യ അകലം പാലിക്കാത്തതിന് 541 പേർക്കും എതിരെ നടപടി സ്വീകരിച്ചു.