1119 പേർക്ക് ധനസഹായം നൽകി

ആലപ്പുഴ: കൊവിഡ് ബാധിച്ച് മരിച്ചവരുടെ കുടുംബത്തിനുള്ള ധനസഹായത്തിനായി ജില്ലയിൽ ഇതുവരെ സമർപ്പിച്ച 1543 അപേക്ഷകളിൽ 1239 എണ്ണം പരിശോധനകൾ പൂർത്തിയാക്കി അംഗീകരിച്ചു. ഇതിൽ 1119 പേർക്ക് ധനസഹായമായ 50000 രൂപ വീതം ബാങ്ക് അക്കൗണ്ടിൽ ലഭ്യമാക്കിയതായി ജില്ലാ കളക്ടർ എ. അലക്സാണ്ടർ അറിയിച്ചു. ധനസഹായത്തിനും കൊവിഡ് ബാധിച്ച് മരിച്ച ബി.പി.എൽ കുടുംബാംഗങ്ങളുടെ ആശ്രിതർക്കുള്ള പെൻഷൻ ലഭിക്കുന്നതിനും relief.kerala.gov.inൽ അപേക്ഷ സമർപ്പിക്കേണ്ടത്. കൊവിഡ് ബാധിച്ച് മരിച്ചവരുടെ വിവരങ്ങൾ കൊവിഡ് 19 ഡെത്ത് ഇൻഫർമേഷൻ സിസ്റ്റത്തിൽ കണ്ടെത്താൻ സാധിച്ചില്ലെങ്കിൽ ഈ പോർട്ടലിലൂടെ അപ്പീൽ നൽകുകയും ചെയ്യാം.