മദ്യവില്പനശാലകളുടെ എണ്ണം കൂട്ടരുത്

അമ്പലപ്പുഴ : കൊവിഡ് നിയന്ത്രണത്തിന്റ മറവിൽ കൂടുതൽ മദ്യവില്പന ശാലകൾ തുറക്കാനുള്ള നീക്കത്തിൽ നിന്ന് സർക്കാർ പിന്തിരിയണമെന്ന് കേരള പ്രദേശ് മദ്യവിരുദ്ധ സമിതി സംസ്ഥാന നേതൃയോഗം ആവശ്യപ്പെട്ടു. മദ്യവിൽപ്പന ശാലകളുടെ എണ്ണം കൂട്ടരുതെന്ന് ആവശ്യപ്പെട്ട് എക്‌സൈസ് മന്ത്രിക്ക് ഇ മെയിൽ അയക്കും. സംസ്ഥാന പ്രസിഡന്റ് ബേബി പാറക്കാടൻ യോഗം ഉദ്ഘാടനം ചെയ്തു.

ഹക്കീം മുഹമ്മദ് രാജാ അദ്ധ്യക്ഷത വഹിച്ചു. അഡ്വ.ദിലീപ് ചെറിയനാട് മുഖ്യപ്രഭാഷണം നടത്തി. ഷീല ജഗധരൻ , ഇ.ഷാബ്ദ്ദീൻ , ജോർജ്ജ് തോമസ് , പി.ജെ.ജെയിംസ് , ബിനു മദനനൻ , സി.രാജൻ തിരുവല്ല , ജിജി ജോസഫ് എരുമേലി ,മിനി തോമസ് എന്നിവർ സംസാരിച്ചു.