SignIn
Kerala Kaumudi Online
Thursday, 19 September 2024 2.24 AM IST

സ്വർണകടത്ത് സംഘം പിടിയിലായി

Increase Font Size Decrease Font Size Print Page
d

കൊണ്ടോട്ടി: കരിപ്പൂർ വിമാനത്താവളം വഴി കസ്റ്റംസിന്റെ കണ്ണ് വെട്ടിച്ച് കടത്തിയ ഒരുകിലോ സ്വർണവുമായി കോഴിക്കോട് കേന്ദ്രീകരിച്ചു പ്രവർത്തിക്കുന്ന സ്വർണകടത്തു സംഘം പിടിയിലായി. മണ്ണാർക്കാട് കൊടക്കാട് സ്വദേശി കളരിക്കൽ രമേഷ് (26), കോഴിക്കോട് കൈപ്പോയിൽ സ്വദേശി പഴന്തറ അബ്ദുറഹിമാൻ (40) എന്നിവരെയാണ് ഇന്നലെ പുലർച്ചെ വിമാനത്താവള പരിസരത്തു നിന്നും പൊലീസ് പിടികൂടിയത്. സംഭവത്തിൽ ഒരാൾ രക്ഷപ്പെട്ടു.ഇവർ സഞ്ചരിച്ച വാഹനവും പിടികൂടി.
മസ്‌കറ്റിൽ നിന്നും വന്ന യാത്രക്കാരനായ രമേഷ് ശരീരത്തിൽ ഒളിപ്പിച്ചാണ് സ്വർണം കസ്റ്റംസിന്റെ കണ്ണ് വെട്ടിച്ച് വിമാനത്താവളത്തിന് പുറത്തെത്തിച്ചത്.തുടർന്ന് വിമാനത്താവളത്തിൽ നിന്ന് കോഴിക്കോട് സ്വദേശികൾ ഇയാളെ കൂട്ടിക്കൊണ്ടു പോവുകയായിരുന്നു.ഇതിനിടയിലാണ് ഇവർ പിടിയിലായത്.പിടിയിലായവരെ ചോദ്യം ചെയ്തതിൽ നേരത്തെ പലതവണ ഇവർ സ്വർണം കടത്തിയതായി പൊലിസിനോട് പറഞ്ഞു. വിദേശത്ത് നിന്നും നാട്ടിലേക്ക് വരുന്ന ആളുകളെ സ്വാധീനിച്ച് വലിയ പ്രതിഫലം വാഗ്ദാനം ചെയ്ത് സ്വർണം കടത്തുന്നതിനായി ഒരു സംഘം തന്നെ വിദേശത്ത് പ്രവർത്തിക്കുന്നുണ്ടെന്ന് ഇവർ മൊഴി നൽകി.
പിടികൂടിയ പ്രതികളേയും സ്വർണവും കൂടുതൽ അന്വോഷണത്തിനായി കസ്റ്റംസിനു കൈമാറും. മലപ്പുറം ജില്ലാ പൊലിസ് മേധാവി സുജിത്ത് ദാസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ മഞ്ചേരി ഇൻസ്പക്ടർ സി.അലവി, കരിപ്പൂർ ഇൻസ്പക്ടർ ഷിബു എന്നിവരുടെ നേതൃത്വത്തിൽ ജില്ലാ ആന്റി നർക്കോട്ടിക്ക് സ്‌ക്വോഡ് അംഗങ്ങളായ അബ്ദുൽ അസീസ്, സത്യനാഥൻ മനാട്ട്, ശശി കുണ്ടറക്കാട്, പി. സഞ്ജിവ്, ഉണ്ണികൃഷ്ണൻ മാരാത്ത്,പത്മരാജൻ, ഹരിലാൽ സന്ദീപ്, അബ്ദുൽ റഹിം, മുരളികൃഷ്ണൻ എന്നിവരാണ് പ്രതികളെ പിടികൂടിയത്.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: LOCAL NEWS, MALAPPURAM
KERALA KAUMUDI EPAPER
Kaumudi Salt & Pepper
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.