Kerala Kaumudi Online
Saturday, 25 May 2019 4.05 AM IST

യോ​ഗത്തിനിടെ സർക്കാർ ഉദ്യോ​ഗസ്ഥർക്ക് വനിതാ എം.എൽ.എയുടെ തെറിവിളി

മുംബയ്: യോ​ഗത്തിനിടെ സർക്കാർ ഉദ്യോ​ഗസ്ഥർക്ക് നേരെ അസഭ്യവർഷം നടത്തിയ കോൺ​ഗ്രസ് വനിതാ എം.എൽ. എ വിവാദത്തിൽ. മഹാരാഷ്ട്രയിലെ ടിയോസ നിയോജമണ്ഡലത്തിലെ എം.എൽ.എ യശോമതി താക്കൂറാണ് പുലിവാൽ പിടിച്ചത്. അമരാവതിയിൽ കഴിഞ്ഞദിവസം നടന്ന ജലവിതരണ വകുപ്പ ഉദ്യോഗസ്ഥരുടെ യോഗത്തിലാണ് സംഭവം. .

യോഗത്തിന്റെ ദൃശ്യങ്ങൾ പുറത്തുവന്നതോടെയാണ് സംഭവം വിവാദമായത്. ഉദ്യോ​ഗസ്ഥരുടെ പ്രവൃത്തിയിൽ അതൃപ്തി പ്രകടിപ്പിക്കുന്നതിനിടെയായിരുന്നു യശോമതി അവരെ രൂക്ഷമായി വിമർശിക്കുകയും തെറിവിളിക്കുകയും ചെയ്തത്. ഇത് വീഡിയോയി വ്യക്തമാണ്.

സംഭവം വിവാദമായതോടെ വിശദീകരണവുമായി യശോമതി രം​ഗത്തെത്തി. അധികാരികൾ കുടിവെള്ളം വിതരണം ചെയ്യേണ്ടവരാണ്. എന്നാൽ അവർ കുടിവെള്ളം വിതരണം ചെയ്യുന്നില്ല. അതുകൊണ്ടാണ് തങ്ങൾ പൊട്ടിത്തെറിച്ചത്. ജില്ലാ കലക്ടർ വെള്ളം വിതരണം ചെയ്യാൻ ഉത്തരവിട്ടെങ്കിലും ഒരു ബി.ജെ.പി എംഎൽഎ ഇടപ്പെട്ട് വിതരണം തടയുകയായിരുന്നു-യശോമതി പറയുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS
KERALA KAUMUDI EPAPER
VIDEOS
PHOTO GALLERY