കെ.എസ്.ആർ.ടി.സി ജീവനക്കാരുടെ പ്രതിഷേധം

കൊല്ലം: കെ.എസ്.ആർ.ടി.സി സിറ്റി സർക്കുലർ സർവീസിന് കെ- സ്വിഫ്ട് ഇലക്ട്രിക് ബസുകൾ ഉപയോഗിക്കുന്നത് തടഞ്ഞതിന് കെ.എസ്.ആർ.ടി.ഇ.എയുടെ സംസ്ഥാന ഭാരവാഹികൾ ഉൾപ്പെടെയുള്ളവരെ അറസ്റ്റ് ചെയ്തതിൽ വിവിധ ഡിപ്പോകളിൽ പ്രതിഷേധം സംഘടിപ്പിച്ചു.

കൊട്ടാരക്കരയിൽ പ്രതിഷേധ പ്രകടനത്തിന് യുണിറ്റ് പ്രസിഡന്റ് ബി.പി. ബിജേഷ് നേതൃത്വം നൽകി. അസോസിയേഷൻ ജില്ലാ പ്രസിഡന്റ്‌ വി. രാജീവ്‌ വിശദീകരണയോഗം ഉദ്ഘാടനം ചെയ്തു. കൊല്ലം യുണിറ്റിൽ പ്രതിഷേധ പ്രകടനത്തിന് യുണിറ്റ് പ്രസിഡന്റ്‌ ഡി.രാജ്‌മോഹനൻ, സെക്രട്ടറി പി.സതീഷ് കുമാർ, ട്രഷറർ എം. അനിൽകുമാർ, ജോയിന്റ് സെക്രട്ടറി വി. ഹനീഷ് എന്നിവർ നേതൃത്വം നൽകി. വിശദീകരണയോഗം അസോസിയേഷൻ ജില്ലാ സെക്രട്ടറി കെ. അനിൽകുമാർ ഉദ്ഘാടനം ചെയ്തു.