കൊല്ലം : കേരള സർക്കാരിന്റെ ഏറ്റവും മികച്ച വയോജന ക്ഷേമസംരക്ഷണ സ്ഥാപനത്തിനുള്ള 2022 ലെ വയോസേവന അവാർഡ് പത്തനാപുരം ഗാന്ധിഭവൻ ഇന്റർനാഷണൽ ട്രസ്റ്റിന് മന്ത്രി ഡോ.ആർ.ബിന്ദു സമ്മാനിച്ചു. 50,000 രൂപയും പ്രശസ്തിപത്രവും അടങ്ങുന്നതായിരുന്നു പുരസ്കാരം.
വയോജന ദിനത്തിൽ തൃശ്ശൂർ ജില്ലാ സ്പോർട്സ് കൗൺസിൽ ഹാളിൽ നടന്ന ചടങ്ങിൽ ഗാന്ധിഭവൻ സ്ഥാപകനും സംസ്ഥാന ഓർഫനേജ് കൺട്രോൾ ബോർഡ് മെമ്പറുമായ ഡോ.പുനലൂർ സോമരാജൻ അവാർഡ് സ്വീകരിച്ചു. 2019 ൽ രാഷ്ട്രപതിയിൽ നിന്ന് വയോശ്രേഷ്ഠ സമ്മാൻ ദേശീയ അവാർഡ് നേടിയ ഗാന്ധിഭവൻ 2017 ൽ ഏഷ്യയിലെ ഏറ്റവും വലിയ മതേതര കൂട്ടുകുടുംബമെന്ന നിലയിൽ ഏഷ്യാ ബുക്ക് ഒഫ് റെക്കാഡ്സിലും ഇടം പിടിച്ചിരുന്നു. 2008 ൽ കേരളത്തിലെ മികച്ച സാമൂഹ്യസേവന സംഘടനയ്ക്കുള്ള സംസ്ഥാന സർക്കാർ അവാർഡ്, ഭിന്നശേഷിയുള്ളവരെ പരിപാലിക്കുന്ന കേരളത്തിലെ ഏറ്റവും മികച്ച സ്ഥാപനത്തിനുള്ള സംസ്ഥാന സാമൂഹ്യനീതി വകുപ്പിന്റെ അവാർഡ്, കേരള സർക്കാർ യുവജനക്ഷേമ ബോർഡിന്റെ അവാർഡ് ഉൾപ്പെടെ നിരവധി ബഹുമതികൾ ഗാന്ധിഭവന് ലഭിച്ചിട്ടുണ്ട്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |