വിദ്യാർത്ഥികൾക്ക് വിവിധ മത്സരങ്ങൾ

കൊച്ചി: ചിന്മയ വിദ്യാപീഠം സ്കൂൾ ഒഫ് കണ്ടംപററി നോളഡ്ജ് സിസ്റ്റത്തിന്റെ ആഭിമുഖ്യത്തിൽ എറണാകുളം വാരിയം റോഡ് കാമ്പസിൽ 4 ന് സ്കൂൾ, കോളേജ് വിദ്യാർത്ഥികൾക്കായി വിവിധ അഭിരുചി മത്സരങ്ങൾ നടത്തുമെന്ന് അദ്ധ്യാപകരായ ഡോ.ആർ.ആർ. വിനോദ്, ഡോ. എ.ആർ.ബിന്ദുശ്രി തുടങ്ങിയവർ വാർത്താസമ്മേളനത്തിൽ അറിയിച്ചു. വിജയികൾക്ക് 70,000 രൂപയുടെ കാഷ് അവാർഡുകൾ സമ്മാനിക്കും. പരിപാടിയോടനുബന്ധിച്ച് ഭരത് സജികുമാർ അവതരിപ്പിക്കുന്ന സംഗീത പരിപാടിയും മ്യൂസിക് ബാൻഡിന്റെ സംഗീത സന്ധ്യയും ഒരുക്കിയിട്ടുണ്ട്. കൂടുതൽ വിവരങ്ങൾക്ക്: 8590490955. പ്രോഗ്രാം കോ-ഓർഡിനേറ്റർമാരായ ആവണി പ്രകാശ്, ഗൗതം പരമേശ്വരൻ, കൃഷ്ണവേണി വർമ്മ, ഗൗരി ശ്രീജിത്ത് എന്നിവരും വാർത്താസമ്മേളനത്തിൽ പങ്കെടുത്തു.