കളമശേരി പോളിടെക്നിക്ക്: പൂർവവിദ്യാർത്ഥി സംഗമം

കൊച്ചി: കളമശേരി സർക്കാർ പോളിടെക്‌നിക് കോളേജിന്റെ ഡയമണ്ട് ജൂബിലി ആഘോഷങ്ങളുടെ ഭാഗമായി ഈ മാസം 13ന് പൂർവവിദ്യാർത്ഥി സംഗമം സംഘടിപ്പിക്കും. മുൻ അദ്ധ്യാപകരെയും മുതിർന്ന പൂർവ വിദ്യാർത്ഥികളെയും ചടങ്ങിൽ ആദരിക്കും.

രാവിലെ ഒമ്പതിന് ആരംഭിക്കുന്ന സംഗമത്തിൽ നൂറുകണിക്ക് പൂർവവിദ്യാത്ഥികൾ പങ്കെടുക്കുമെന്ന് പ്രിൻസിപ്പൽ ആർ.ഗീതാദേവി പറഞ്ഞു. 1951ൽ നാല് കോഴ്‌സുകളുമായി ആരംഭിച്ചതാണ് പോളിടെക്‌നിക്ക്. വിദ്യാഭ്യാസ മന്ത്രിയായിരുന്ന ജോസഫ് മുണ്ടശേരി തറക്കല്ലിട്ട സ്ഥാപനം സംസ്ഥാനത്തെ മികച്ച സങ്കേതികവിദ്യാഭ്യാസ സ്ഥാപനമായി വളർന്നു. എട്ട് എൻജിനിയറിംഗ് ശാഖകളിൽ പരിശീലനം നൽകുന്നുണ്ട്. പ്രമുഖ സ്ഥാപനങ്ങളിൽ പ്രവർത്തിക്കുന്നവർ സംഗമത്തിൽ പങ്കെടുക്കുമെന്ന് കൺവീനർ ബെന്നി ജോൺ അറിയിച്ചു.