നിഷ് ദിനാചരണവും രജതജൂബിലി ആഘോഷവും

തിരുവനന്തപുരം:സാമൂഹിക നീതി വകുപ്പിന് കീഴിലുള്ള നാഷണൽ ഇൻസ്റ്റിറ്റ്യൂട്ട് ഒഫ് സ്പീച്ച് ആൻഡ് ഹിയറിംഗ് (നിഷ്) ഭിന്നശേഷി സേവന മേഖലയിൽ 25 വർഷങ്ങൾ പൂർത്തിയാക്കുന്നു. ഒരു വർഷം നീണ്ടുനിന്ന രജത ജൂബിലി ആഘോഷങ്ങളുടെ സമാപന സമ്മേളനവും നിഷ് ദിനാചരണവും 20ന് വൈകിട്ട് 3.30ന് മന്ത്രി ഡോ.ആർ.ബിന്ദു നിഷ് ക്യാമ്പസിൽ ഉദ്ഘാടനം ചെയ്യും.കടകംപള്ളി സുരേന്ദ്രൻ എം.എൽ.എ അദ്ധ്യക്ഷത വഹിക്കും.
സാമൂഹിക നീതി വകുപ്പ് പ്രിൻസിപ്പൽ സെക്രട്ടറി റാണി ജോർജ്, സാമൂഹിക നീതി വകുപ്പ് ഡയറക്ടറും നിഷ് എക്സിക്യൂട്ടീവ് ഡയറക്ടറുമായ എം. അഞ്ജന, നിഷ് സ്ഥാപകനും ആദ്യ ഓണററി ഡയറക്ടറുമായ ജി.വിജയരാഘവൻ, പ്ലാനിംഗ് ബോർഡ് മെമ്പർ ഡോ.മിനി സുകുമാരൻ,കുളത്തൂർ വാർഡ് കൗൺസിലർ നാജാ ബി തുടങ്ങിയവർ പങ്കെടുക്കും.