അരിക്കൊമ്പൻ അടങ്ങുന്നില്ല, റേഷൻ കടയും വീടും തകർത്തു

രാജാക്കാട് പന്നിയാർ എസ്റ്റേറ്റ് മേഖലയിൽ വീണ്ടും കാട്ടാന ആക്രമണം നടത്തി. പന്നിയാർ എസ്റ്റേറ്റിലെ ആന്റണിയുടെ റേഷൻ കടയ്ക്കു നേരെ കഴിഞ്ഞ പുലർച്ചെ 5 നാണ് ആനയുടെ ആക്രമണം നടന്നത്. അരിയും സാധനങ്ങളും മറ്റൊരു മുറിയിലേക്ക് മാറ്റിയിരുന്നതിനാൽ നഷ്ടപ്പെട്ടില്ല. ഇത് പതിനൊന്നാമത്തെ പ്രാവശ്യമാണ് ഈ റേഷൻ കടയ്ക്കു നേരെ അരിക്കൊമ്പൻ എന്ന കാട്ടാനയുടെ പരാക്രമം നടക്കുന്നത്.

കാട്ടാനയുടെ മറ്റൊരൂഴം വീടായിരുന്നു. ബി.എൽ. റാമിലെ കുന്നത്ത് ബെന്നിയുടെ വീടിനു നേരെയും ആക്രമണമുണ്ടായി. ആക്രമണത്തിൽ പരിക്കേറ്റ ബെന്നി കുരുവിള സിറ്റി ആശുപത്രിയിൽ ചികിത്സ തേടിയിരിക്കുകയാണ്.