SignIn
Kerala Kaumudi Online
Monday, 26 August 2019 8.58 AM IST

'പൊട്ടന്മാരേ, നിങ്ങളുടെ ബാങ്കുകളോട് പറ എന്റെ പണം സ്വീകരിക്കാൻ': ട്രോളുകളോട് പ്രതികരിച്ച് വിജയ് മല്യ

viay-mallya

ലണ്ടൻ: തനിക്കെതിരെയുള്ള ട്രോളുകളോട് പ്രതികരിച്ച് 9000 കോടിയുടെ പണം തട്ടിപ്പ് നടത്തിയ കേസിലെ പ്രതിയും പ്രവർത്തനം നിർത്തിയ കിംഗ്ഫിഷർ എയർലൈൻസിന്റെ ഉടമയുമായ വിജയ് മല്യ. വെസ്റ്റ് ഇൻഡീസ് ക്രിക്കറ്റ് താരം ക്രിസ് ഗെയിലിനോടൊപ്പം വിജയ് മല്യ നിൽക്കുന്ന ചിത്രം അടുത്തിടെ സോഷ്യൽ മീഡിയയിൽ വൈറലായിരുന്നു. ഇതിനെ തുടർന്നുണ്ടായ പരിഹാസങ്ങൾക്ക് മറുപടി നൽകുകയായിരുന്നു വിജയ് മല്യ. ക്രിസ് ഗെയിൽ തന്നെയാണ് ഈ ചിത്രം ട്വിറ്ററിൽ പോസ്റ്റ് ചെയ്തത്.


'എന്റെ സുഹൃത്തും 'യൂണിവേഴ്സ് ബോസു'മായ ക്രിസ് ഗെയിലിനെ കണ്ടതിൽ ഏറെ സന്തോഷം. എന്നെ 'കള്ളൻ' എന്ന് വിളിക്കുന്ന പൊട്ടന്മാരെ, നിങ്ങൾ നിങ്ങളുടെ ബാങ്കുകളോട് പറയണം, ഒരു വർഷമായി ഞാൻ അവർക്ക് നൽകാൻ ശ്രമിക്കുന്ന പണം എന്തുകൊണ്ടാണ് അവർ സ്വീകരിക്കാത്തതെന്ന്. ഞാൻ ഓഫർ ചെയ്യുന്ന 100 ശതമാനം പണവും അവർ സ്വീകരിക്കാൻ തയാറാകുന്നില്ല. ആദ്യം ഇതിന്റെ സത്യാവസ്ഥ നിങ്ങൾ മനസിലാക്ക്. എന്നിട്ട് നിങ്ങൾ തീരുമാനിക്കുക യഥാർത്ഥ കള്ളൻ ആരാണെന്ന്.' വിജയ് മല്യ ട്വിറ്ററിൽ കുറിച്ചു.


ക്രിസ് ഗയിലിനൊപ്പമുള്ള മല്യയുടെ ചിത്രം വൻ പരിഹാസമാണ് ക്ഷണിച്ചു വരുത്തിയത്. 'ക്രിസ് ഗെയിൽ പോലും മല്യയെ തേടുകയാണെ'ന്നും, 'മല്യ ദേശസ്നേഹിയാണ്, സ്വന്തം രാജ്യത്തിൽ നിന്ന് മാത്രമേ അദ്ദേഹം മോഷ്ടിക്കുകയുള്ളു' എന്നും മറ്റുമാണ് ട്വിറ്റർ യൂസർമാർ മല്യയെ കളിയാക്കുന്നത്. മാത്രമല്ല 63 വയസുകാരനായ മല്യ ലോകകപ്പ് കാണാനായി ലണ്ടനിലെ 'ഓവൽ' സ്റ്റേഡിയത്തിൽ എത്തിയപ്പോൾ 'കള്ളൻ, കള്ളൻ' വിളികളും ഉയർന്നിരുന്നു. മാർച്ച് രണ്ട്, 2016ലാണ് വിജയ് മല്യ രാജ്യം വിട്ടത്.


JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS, VIJAY MALLYA, LONDON, 6 DEAD, WEST INDIES, CHRIS GAYLE, TWITTER, MONEY FRAUD, ICC WORLD CUP 2019
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.