SignIn
Kerala Kaumudi Online
Monday, 16 December 2019 6.18 AM IST

ജനനേന്ദ്രിയത്തിൽ കയറിയ കുളയട്ടയെ പുറത്തെടുത്ത സംഭവം പ്രബന്ധമാകുന്നു, ലക്ഷങ്ങൾ മുടക്കേണ്ടിയിരുന്നത് ഒഴിവായതിങ്ങനെ

leech-

ആലപ്പുഴ : യുവാവിന്റെ ജനനേന്ദ്രിയത്തിൽ നിന്നും അട്ടയെ നീക്കം ചെയ്ത സംഭവത്തിൽ കൂടുതൽ പഠനത്തിന് വഴിതുറക്കുന്നു. മൂത്രനാളിയിൽ കയറിക്കൂടിയ അട്ടയെ ശസ്ത്രക്രിയ കൂടാതെ പുറത്തെടുക്കുന്നതിൽ ആലപ്പുഴ ജനറൽ ആശുപത്രിയിലെ ഡോക്ടർമാർ അവലംബിച്ച രീതിയെകുറിച്ചാണ് പഠനം. ആലപ്പുഴ കണിയാംകുളം സ്വദേശിയും ജനറൽ ആശുപത്രിയിലെ കാഷ്വാലിറ്റി മെഡിക്കൽ ഓഫീസറുമായ ഡോക്ടർ സി.പി. പ്രിയദർശനാണ് അട്ടയെ പുറത്തെടുത്തത്. ഈ അത്യപൂർവ ചികിത്സരീതിയെ കുറിച്ചുള്ള വിവരം ദേശീയതലത്തിൽ മറ്റ് ഡോക്ടർമാരിലേക്കും മെഡിക്കൽ വിദ്യാർത്ഥികളിലേക്കും എത്തണം എന്ന ചിന്തയിലാണ് കൂടുതൽ പഠനം നടത്താൻ ഡോക്ടർ സി.പി. പ്രിയദർശൻ ഒരുങ്ങുന്നത്. സ്ത്രീകളുടെ മൂത്രനാളിയിൽ അട്ടകയറിയിട്ടുള്ള സംഭവം മുൻപുമുണ്ടായിട്ടുണ്ടെങ്കിലും പുരുഷന്റെ ജനനേന്ദ്രിയത്തിൽ അട്ട കയറിയതുമായി ബന്ധപ്പെട്ടിട്ടുള്ള കേസ് അത്യപൂർവമാണ്, ഇതും പഠനത്തിലേക്ക് നയിക്കാൻ പ്രചോദനമാണ്.

നവംബർ മൂന്നാം തീയതിയാണ് അസഹ്യമായ വേദനയോടെ ഇരുപത്തിയഞ്ചുകാരനായ യുവാവ് ആലപ്പുഴ ജനറൽ ആശുപത്രിൽ എത്തുന്നത്. തുടർന്ന് നടത്തിയ പരിശോധനയിലാണ് അട്ടയുടെ സാമീപ്യം കണ്ടെത്തിയത്. അത്യാഹിത വിഭാഗം മെഡിക്കൽ ഓഫീസർ ഡോ. പ്രിയദർശന്റെ നേതൃത്വത്തിലുള്ള സംഘമാണ് കുളയട്ടയെ പുറത്തെടുത്തത്. ശസ്ത്രക്രിയ കൂടാതെ അട്ടയെ പുറത്തെടുത്തത്. സ്വകാര്യ ആശുപത്രിയിലായിരുന്നുവെങ്കിൽ ലക്ഷങ്ങൾ ചെലവാക്കിയുള്ള ശസ്ത്രക്രിയ വേണ്ടി വന്നേനെ. ഏഴു സെന്റിമീറ്റർ നീളമുള്ള കുളയട്ടയെയാണ് പുറത്തെടുത്തത്. നൂൽ വലുപ്പമുള്ള അട്ട, മൂത്രനാളിക്ക് ഉള്ളിൽ കയറി രക്തം കുടിച്ച് വലുതാവുകയായിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: PENIS, LEECH
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.