ജില്ലയിൽ 218 പേർക്ക് കൂടി കൊവിഡ്

കൊല്ലം: ജില്ലയിൽ ഇന്നലെ 218 പേർക്ക് കൂടി കൊവിഡ് സ്ഥിരീകരിച്ചു. വിദേശത്ത് നിന്നെത്തിയ രണ്ടുപേരും അന്യസംസ്ഥാനത്ത് നിന്നെത്തിയ മൂന്നുപേരും കൊവിഡ് സ്ഥിരീകരിച്ചവരിൽ ഉൾപ്പെടുന്നു. മൂന്ന് ആരോഗ്യപ്രവർത്തകർ ഉൾപ്പെടെ 213 പേർക്ക് സമ്പർക്കത്തിലൂടെയാണ് രോഗം പടർന്നത്.

ഈമാസം 9ന് മരിച്ച കല്ലുന്താഴം സ്വദേശി ഹൗവ്വ ഉമ്മ (73), പ്രാക്കുളം സ്വദേശിനി ജമീല (62), 10ന് മരിച്ച കുളക്കട സ്വദേശി ശശിധരൻ നായർ (75) എന്നിവരുടെ മരണകാരണം കൊവിഡാണെന്ന് ഇന്നലെ സ്ഥിരീകരിച്ചു. കൊട്ടിയം സിത്താര ജംഗ്ഷൻ, കുലശേഖരപുരം, അയത്തിൽ, ഗാന്ധിനഗർ, ഇരവിപുരം ഗാർഫിൽ നഗർ, സെന്റ് ജോസഫ് നഗർ, ചവറ കോവിൽത്തോട്ടം, തൊടിയൂർ ഇടക്കുളങ്ങര, വെളിനെല്ലൂർ എന്നിവിടങ്ങളിലാണ് കൂടുതൽ പേർക്ക് കൊവിഡ് സ്ഥിരീകരിച്ചത്.

 രോഗമുക്തിയിൽ റെക്കാഡ്

ജില്ലയിൽ ഇന്നലെയാണ് ഏറ്റവും കൂടുതൽ പേർ രോഗമുക്തരായത്. ചികിത്സയിൽ കഴിഞ്ഞിരുന്ന 325 പേരാണ് ഇന്നലെ രോഗം ഭേദമായി വീട്ടിലേക്ക് മടങ്ങിയത്.ഈമാസം 9ന് 323 പേർ രോഗമുക്തരായിരുന്നു.