'ആഷിഖി' നടൻ രാഹുൽ റോയ്​ക്ക്​ മസ്​തിഷ്​കാഘാതം

മുംബയ്: ബോളിവുഡ് നടൻ രാഹുൽ റോയി​യെ (52) മസ്​തിഷ്​കാഘാതത്തെ തുടർന്ന്​ ആശുപത്രിയിൽ പ്രവേശിപ്പിച്ചു. 'ആഷിഖി' എന്ന ചിത്രത്തിലൂടെയാണ്​ റോയ്​ പ്രശസ്​തനായത്​. രണ്ട്​ ദിവസങ്ങൾക്ക്​ മുമ്പ്​ കാശ്​മീരിൽ ഒരു ചിത്രത്തിന്റെ ചിത്രീകരണത്തിനിടെയാണ്​ മസ്​തിഷ്​കാഘാതമുണ്ടായത്​. കാശ്​മീരിലെ പ്രതികൂല കാലാവസ്ഥയെ തുടർന്ന്​ ഇദ്ദേഹത്തിന്റെ ആരോഗ്യനില വഷളായതിനെതുടർന്ന് രണ്ടു ദിവസം മുമ്പാണ്​ മുംബയിൽ എത്തിച്ചത്​. താരത്തിന്റെ ആരോഗ്യസ്ഥിതിയിൽ പുരോഗതിയുണ്ടെന്ന്​ ആശുപത്രി അധികൃതർ അറിയിച്ചു. മഹേഷ്​ ഭട്ട്​ ചിത്രം ആഷിഖിയിലൂടെ 1990കളിലാണ്​ റോയ്​ ബോളിവുഡ്​ അരങ്ങേറ്റം കുറിച്ചത്​. അനു അഗർവാൾ ആയിരുന്നു നായിക. ശേഷം ജുനൂൻ, ഫിർ തേരി കഹാനി യാദ്​ ആയി എന്നീ ചിത്രങ്ങളിൽ ശ്രദ്ധേയമായ വേഷമിട്ടു. 2006ൽ 'ബിഗ്​ ബോസ്​' ടി.വി റിയാലിറ്റി ഷോയിലെ ആദ്യ സീസണിലെ വിജയിയായിരുന്നു.