SignIn
Kerala Kaumudi Online
Sunday, 28 February 2021 10.12 AM IST

ജില്ലാ പഞ്ചായത്ത് പ്രകടനപത്രികയുമായി എൽ.ഡി.എഫ്: ലക്ഷം പേർക്ക് തൊഴിൽ വാഗ്ദാനം

jilla-

  • സമ്പൂർണ പാർപ്പിട ജില്ലയാക്കി തൃശൂരിനെ മാറ്റും

തൃശൂർ: കാർഷിക, കാർഷികേതര മേഖലയിൽ ലക്ഷം പേർക്ക് തൊഴിൽ വാഗ്ദാനവുമായി എൽ.ഡി.എഫിന്റെ ജില്ലാ പഞ്ചായത്ത് പ്രകടന പത്രിക. കൃഷി, വിദ്യാഭ്യാസം, ആരോഗ്യം, തൊഴിൽ മേഖലകൾക്ക് മുൻഗണന നൽകുന്ന പ്രകടനപത്രികയിൽ 16 കർമ്മ പരിപാടികളും അവതരിപ്പിച്ചിട്ടുണ്ട്.
തരിശുനിലയങ്ങളിൽ കൃഷി വ്യാപിപ്പിക്കും, എല്ലാ പഞ്ചായത്തുകളിലും സംഭരണ വിപണന കേന്ദ്രങ്ങൾ, സമഗ്ര കോൾവികസന പദ്ധതി നടപ്പാക്കും തുടങ്ങിയവയാണ് കാർഷികമേഖലയിലെ പ്രധാന വാഗ്ദാനങ്ങൾ. കുടുംബശ്രീയുമായി ചേർന്ന് 'ഷീ പാഡ്' നിർമ്മാണ യൂണിറ്റ്, സമ്പൂർണ പാർപ്പിട ജില്ലയാക്കി തൃശൂരിനെ മാറ്റും, ലൈഫ് പദ്ധതിയുമായി സംയോജിച്ച് എല്ലാവർക്കും വീട് , തൊഴിലുറപ്പ് പദ്ധതിയും പാർപ്പിട നിർമ്മാണവും സംയോജിപ്പിച്ച് കൂടുതൽ സൗകര്യപ്രദമായ വീടുകൾ നിർമ്മിക്കുന്നതിന് നടപടി, കാൻസർ രോഗം കണ്ടെത്താനും ചികിത്സിക്കാനുമുള്ള 'കാൻ തൃശൂർ' തുടരും. ജനറൽ, താലൂക്ക്, ജില്ലാ ആശുപത്രികളിലെ സൗകര്യം വർദ്ധിപ്പിക്കും തുടങ്ങിയവയാണ് മറ്റ് വാഗ്ദാനങ്ങൾ. സ്വയംതൊഴിൽ പദ്ധതിയായ 'സംരംഭ' നടപ്പാക്കും.

മഴവെള്ള സംഭരണത്തിന് പ്രത്യേക പദ്ധതി, മാലിന്യസംസ്‌കരണ പദ്ധതി വിപുലപ്പെടുത്തും, കടലാക്രമണ പ്രതിരോധ പ്രവർത്തനം നടപ്പിലാക്കും, പട്ടയം ഇല്ലാത്തവർക്ക് പട്ടയം ലഭിക്കുന്നതിന് സർക്കാരുമായി ചേർന്ന് പ്രവർത്തിക്കും തുടങ്ങിയവയും വാഗ്ദാനങ്ങളിലുണ്ട്. മന്ത്രി എ.സി മൊയ്തീൻ പ്രകടന പത്രിക പുറത്തിറക്കി. എൽ.ഡി.എഫ് കൺവീനർ എം.എം വർഗ്ഗീസ് അദ്ധ്യക്ഷനായി. സി.പി.ഐ ജില്ലാ സെക്രട്ടറി കെ.കെ വത്സരാജ് സ്വാഗതവും കോൺഗ്രസ് (എസ്) ജില്ലാ പ്രസിഡന്റ് സി.ആർ വൽസൻ നന്ദിയും പറഞ്ഞു.

മറ്റ് കർമ്മപരിപാടികൾ

  • പ്രധാന വിദ്യാലയവളപ്പിൽ പച്ചക്കറി കൃഷി
  • തൊഴിലാളി ക്ഷാമം പരിഹരിക്കാൻ ഗ്രീൻ ആർമി
  • മൃഗാശുപത്രികളുടെ പ്രവർത്തനം ശക്തിപ്പെടുത്തും
  • 'കേരള ചിക്കൻ പദ്ധതി'ക്ക് സഹായകമായി കുടുംബശ്രീയുമായി ചേർന്ന് ഉത്പാദക വിപണന യൂണിറ്റുകൾ
  • തൊഴിലുറപ്പുമായി ബന്ധപ്പെടുത്തി തീറ്റപ്പുൽകൃഷി
  • ശാസ്ത്രീയ അറവുശാലകൾ സ്ഥാപിക്കും
  • തൊഴിലാളികൾക്ക് അവർ പിടിക്കുന്ന മത്സ്യത്തിന് ന്യായവില ലഭ്യമാക്കുന്നതിന് വിപണനസംവിധാനം
  • പൊതുജലാശയങ്ങളിൽ പത്ത് ലക്ഷം മത്സ്യവിത്ത് നിക്ഷേപിക്കും
  • 'വിഞ്ജാൻ സാഗർ' പ്രവർത്തനം വിപുലീകരിക്കും
  • ശാസ്ത്ര പാർക്ക്, 3 ഡി തിയേറ്റർ, പ്ലാനറ്റോറിയം എന്നിവ സ്ഥാപിക്കും
  • ജില്ലയെ മാലിന്യരഹിതമാക്കാൻ വിവിധ പ്രൊജക്ടുകൾ
  • അറവ് മാലിന്യം ശാസ്ത്രീയമായി സംസ്‌കരിക്കുന്നതിന് തദ്ദേശസ്ഥാപനങ്ങളുമായി ചേർന്ന് പദ്ധതി
  • മുഴുവൻ വീടുകളിലും കുടിവെള്ളം, ജലസ്രോതസുകളുടെ ജലമലിനീകരണം തടയുന്നതിന് നടപടികൾ
  • മുഴുവൻ അംഗൻവാടികളും ഹൈടെക്കാക്കും

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, THRISSUR, JILLA PANCHAYATH
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.