ഐസക്കിന് തലയിൽ മുണ്ടിട്ടു നടക്കേണ്ട അവസ്ഥ: മുല്ലപ്പള്ളി

തിരുവനന്തപുരം: തദ്ദേശ തിരഞ്ഞെടുപ്പിൽ യു.ഡി.എഫ് വൻ നേട്ടമുണ്ടാക്കുമെന്ന് കെ.പി.സി.സി അദ്ധ്യക്ഷൻ മുല്ലപ്പള്ളി രാമചന്ദ്രൻ. മന്ത്രിസഭയുടെ കൂട്ടുത്തരവാദിത്തം നഷ്ടപ്പെട്ടുവെന്നും മന്ത്രിസഭ നാഥനില്ലാ കളരിയായെന്നും മുല്ലപ്പള്ളി ആരോപിച്ചു.

കെ.എസ്.എഫ്.ഇ റെയ്ഡോടെ ധനമന്ത്രി തോമസ് ഐസക്കിന് തലയിൽ മുണ്ടിട്ടു നടക്കേണ്ട അവസ്ഥയായി. സി.പി.എമ്മിലെ വിഭാഗീയത മറനീക്കി പുറത്ത് വരികയാണ്. അപമാനിച്ച സി.പി.എമ്മിൽ കടിച്ചു തൂങ്ങണോ എന്ന് ഐസക് തീരുമാനിക്കണം. ധനമന്ത്രിയെ തുടരെ ഒറ്റപ്പെടുത്തുകയാണെന്നും മുല്ലപ്പള്ളി ആരോപിച്ചു.