SignIn
Kerala Kaumudi Online
Tuesday, 18 May 2021 4.28 AM IST

സുപ്രീംകോടതിയിലും കൊവിഡ് വ്യാപനം രൂക്ഷം: രോഗം സ്ഥിരീകരിച്ചത് പകുതിയോളം ജീവനക്കാർക്ക്, കോടതി നടപടികൾ വീഡിയോ കോൺഫറൻസിലൂടെ

court

ന്യൂഡൽഹി: സുപ്രീംകോടതിയിൽ കൊവിഡ് വ്യാപനം രൂക്ഷമാവുന്നു. പകുതിയോളം ജീവനക്കാർക്ക് രോഗം സ്ഥിരീകരിച്ചു എന്നാണ് ഏറ്റവും ഒടുവിൽ പുറത്തുവരുന്ന റിപ്പോർട്ട്. ജീവനക്കാരിൽ പലരും നിരീക്ഷണത്തിലാണ്. മുഴുവൻ കോടതി മുറികളും അണുവിമുക്തമാക്കാനുള്ള നടപടികൾ ആരംഭിച്ചു.

സ്ഥിതി ഗുരുതരമാണെന്ന് വ്യക്തമായതോടെ ജഡ്ജിമാർ കോടതിയിലേക്ക് വരാതെ വീഡിയോ കോൺഫറൻസിലൂടെ കേസുകൾ കേൾക്കാനാണ് തീരുമാനിച്ചിരിക്കുന്നത്. ഇതുകാരണം ഇന്ന് വൈകിയായിരിക്കും കോടതി നടപടികൾ ആരംഭിക്കുക.

അതേസമയം, രാജ്യത്ത് കൊവിഡ് രോഗികളുടെ എണ്ണത്തിൽ വൻ വർദ്ധനയാണ് രേഖപ്പെടുന്നത്. പ്രതിദിന രോഗബാധ 1.68 ലക്ഷമായി ഉയർന്നിട്ടുണ്ട്. മഹാരാഷ്ട്രയിലാണ് കൊവിഡ് രോഗികൾ ഏറ്റവും കൂടുതൽ. ഇവിടെ സ്ഥിതി അതീവ ഗുരുതരമാണ്. ഇന്നലെ 63,294പേർക്കാണ് സംസ്ഥാനത്ത് രോഗം സ്ഥിരീകരിച്ചത്. ഇതോടെ രോഗം പിടിപെട്ടവരുടെ എണ്ണം 34 ലക്ഷം കടന്നു. 349 പേരാണ് 24 മണിക്കൂറിനുള്ളിൽ മരിച്ചത്.

രോഗബാധിതരുടെ എണ്ണം ഇവിടെ ഓരോദിവസവും ഭീതിജനകമാംവിധം കൂടിക്കൊണ്ടിരിക്കുകയാണ്. രോഗവ്യാപനം കൂടിയതോടെ രോഗികളെ പ്രവേശിപ്പിക്കാൻ ആശുപത്രികളും ബുദ്ധിമുട്ടുകയാണ്. ഗുരുതരാവസ്ഥയിലായ രോഗികൾക്കുപോലും കിട‌ക്കൾ കിട്ടാത്ത അവസ്ഥയാണ്. ഒസ്മാനാബാദ് ജില്ലയിൽ കിടക്കളുടെ കുറവ് മൂലം വീൽ ചെയറിൽ ഇരുത്തിയാണ് രോഗികൾക്ക് ഓക്‌സിജൻ നൽകിയത്. കൊവിഡ് രോഗികളല്ലാത്തവരെ പ്രവേശിപ്പിക്കുന്നത് പല ആശുപത്രികളും നിറുത്തിവച്ചിരിക്കുകയാണ്. പലയിടങ്ങളിലും ഓക്സിജൻ കിട്ടാത്ത അവസ്ഥയാണ്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, MORE SUPREME COURT STAFF TEST POSITIVE COVID 19
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.