സോളാർ വേലിക്ക് ഫണ്ട് അനുവദിച്ചു

എരുമേലി : കോരുത്തോട് പഞ്ചായത്തിലെ കുഴിമാവ് , 504 പ്രദേശത്ത് മൂന്നര കിലോമീറ്റർ നീളത്തിൽ സോളാർ വേലി സ്ഥാപിക്കാൻ നടപടികൾ സ്വീകരിച്ചതായി പൂഞ്ഞാർ എം.എൽ.എ അഡ്വ. സെബാസ്റ്റ്യൻ കുളത്തുങ്കൽ അറിയിച്ചു. ഇതിനായി വനം വകുപ്പ് മുഖേന 7 ലക്ഷം രൂപ അനുവദിച്ചിട്ടുണ്ട്. പ്രദേശത്ത് സോളാർ വേലി ഇല്ലാഞ്ഞത് മൂലം കാട്ടാന കൃഷി നശിപ്പിക്കുന്നത് പതിവായിരുന്നു. വേലി സ്ഥാപിക്കുന്നതോടെ ഈ പ്രശ്നം ഒരു പരിധി വരെ പരിഹരിക്കാൻ കഴിയും. ടെൻഡർ നടപടികൾ പൂർത്തീകരിച്ച് മൂന്ന് മാസത്തിനുള്ളിൽ സോളാർ വേലി സ്ഥാപിക്കുമെന്ന് എം.എൽ.എ അറിയിച്ചു.