അമ്പലപ്പുഴ: അമ്പലപ്പുഴ - തിരുവല്ല സംസ്ഥാന പാതയിൽ കച്ചേരി മുക്ക് - ക്ഷേത്രം റോഡിലെ അനധികൃത വാഹന പാർക്കിംഗ് യാത്രക്കാർക്കും വ്യാപാര സ്ഥാപനങ്ങൾക്കും ദുരിതമാകുന്നു. ഇത്തരത്തിൽ പാർക്ക് ചെയ്യുന്ന വാഹനങ്ങൾ മണിക്കൂറുകൾ കഴിഞ്ഞാണ് തിരികെയെടുത്ത് കൊണ്ടുപോകുന്നത്. പലപ്പോഴും ആളുകൾ കടകളിൽ കയറാൻ ബുദ്ധിമുട്ടുകയാണ്. എ - സി റോഡ് നവീകരണം നടക്കുന്നതിനാൽ ആലപ്പുഴയിൽ നിന്ന് ചങ്ങനാശേരി, തിരുവല്ല, പത്തനംതിട്ട ഭാഗങ്ങളിലേക്ക് പോകുന്ന വാഹനങ്ങൾ അമ്പലപ്പുഴയിലെത്തി സംസ്ഥാനപാത വഴിയാണ് യാത്ര തുടരുന്നത്. ഇതുമൂലം വാഹനങ്ങളുടെ തിരക്ക് ഇരട്ടിയായി. വാഹനങ്ങൾ റോഡിന് ഇരുവശവും പാർക്ക് ചെയ്യുന്നത് ഗതാഗതക്കുരുക്കിനും കാരണമാകുന്നുണ്ട്.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |