കലാമണ്ഡലം ഗോപിക്ക് പുരസ്കാര സമർപ്പണം

തൃശൂർ: തെക്കേമഠം നൽകിവരാറുള്ള ശങ്കരപത്മം പുരസ്‌കാരം കലാമണ്ഡലം ഗോപിക്ക് 7ന് വൈകിട്ട് 3ന് തെക്കേ മഠത്തിൽ നടക്കുന്ന പരിപാടിയിൽ സമ്മാനിക്കും. കലാമണ്ഡലം വൈസ് ചാൻസലർ ഡോ. ടി.കെ നാരായണൻ ഉദ്ഘാടനം ചെയ്യും. തെക്കേമഠം മൂപ്പിൽ സ്വാമിയാർ ശ്രീമദ് വാസുദേവാനന്ദ ബ്രഹ്മാനന്ദ ഭൂതി പുരസ്‌കാരം സമർപ്പിക്കും. കോർപറേഷൻ കൗൺസിലർ പൂർണ്ണിമ സുരേഷ്, ഭാരതീയ വിദ്യാഭവൻ സെക്രട്ടറി കെ.പി രാധാകൃഷ്ണൻ, കഥകളി ക്ലബ്ബ് പ്രസിഡന്റ് ഡോ. എ.എൻ കൃഷ്ണൻ, ബ്രഹ്മസ്വം മഠം വേദഗവേഷണ കേന്ദ്രം സെക്രട്ടറി ഡോ. പാഴൂർ ദാമോദരൻ, ഉപാദ്ധ്യായ സംഘം സെക്രട്ടറി മുല്ലമംഗലം നാരായണൻ, നടുവിൽ മഠം മാനേജർ എടമന വാസുദേവൻ തുടങ്ങിയവർ പങ്കെടുക്കും.