ഞങ്ങളും കൃഷിയിലേക്ക് പദ്ധതി

അടൂർ : കേരള സർക്കാരിന്റ 'ഞങ്ങളും കൃഷിയിലേക്ക് ' പദ്ധതിയിൽ അടൂർ മിത്രപുരം കസ്തൂർബ ഗാന്ധി ഭവൻ അന്തേവാസികളും പങ്കുചേർന്നു. ഗാന്ധിഭവൻ കുടുംബാംഗങ്ങൾക്ക് അടൂർ കൃഷിഓഫീസർ ആലിയ ഫർസാന വിത്ത് പായ്ക്കറ്റുകൾ കൈമാറി. ഗാന്ധിഭവൻ അന്തേവാസി രാമചന്ദ്രൻ ഏറ്റുവാങ്ങി. അടൂർ മുൻസിപ്പാലിറ്റി കൃഷിവിഭാഗം കൺവീനറും കൗൺസിലറുമായ സൂസി ജോസഫ് അദ്ധൃക്ഷത വഹിച്ചു. ബ്ളോക്ക് പഞ്ചായത്ത് അംഗം എ പി സന്തോഷ് യോഗം ഉദ്ഘാടനം ചെയ്തു. ഗാന്ധിഭവൻ ഡയറക്ടർ കുടശനാട് മുരളി ആമുഖ പ്രഭാഷണം നടത്തി. .കവി ആർ രാമകൃഷ്ണൻ, എസ്.മീരാസാഹിബ്, ദീപ,അഞ്ജന തുടങ്ങിയവർ പ്രസംഗിച്ചു.