കോട്ടയം. കെ ഫോണിനും കെ റെയിലിനും മലയോര തീരദേശ ഹൈവേയ്ക്കും ദേശീയ ജലപാതയ്ക്കും കേരളത്തിന്റെ സമഗ്രവികസനത്തിന് നിർണായക പങ്ക് വഹിക്കാനാവുമെന്ന് കേരള ഗസറ്റഡ് ഓഫീസേഴ്‌സ് അസോസിയേഷൻ സംസ്ഥാന സമ്മേളനം ചൂണ്ടിക്കാട്ടി. കെ ഫോൺ പാർശ്വവൽക്കരിക്കപ്പെട്ട വിഭാഗത്തിന് സൗജന്യ ഇന്റർനെറ്റ് സേവനം ലഭ്യമാകും. കെ റെയിൽ സമഗ്രവികസനമുള്ള നവകേരളം യാഥാർത്ഥ്യമാക്കും. എന്നാൽ, അപവാദ പ്രചാരണങ്ങളിലൂടെ വികസനത്തെ തുരങ്കം വയ്ക്കുന്ന സമീപനമാണ് പ്രതിപക്ഷ രാഷ്ട്രീയ കക്ഷികളും മാദ്ധ്യമങ്ങളും സ്വീകരിക്കുന്നത്. സംസ്ഥാന സെക്രട്ടറി പി.എസ് പ്രിയദർശൻ, സംസ്ഥാന വനിതാ കമ്മിറ്റി കൺവീനർ ഡോ.സിജി സോമരാജൻ എന്നിവർ പ്രമേയം അവതരിപ്പിച്ചു.