SignIn
Kerala Kaumudi Online
Thursday, 19 September 2024 2.40 PM IST

നവജാത ശിശുവിന്റെ തല വേർപെടുത്തി ഹിന്ദു യുവതിയുടെ ഗർഭപാത്രത്തിൽ നിക്ഷേപിച്ചു? ഞെട്ടിക്കുന്ന സംഭവം നടന്നത് പാകിസ്ഥാനിൽ

Increase Font Size Decrease Font Size Print Page
surgery

കറാച്ചി: നവജാത ശിശുവിന്റെ തലവേർപ്പെടുത്തി അമ്മയുടെ ഗർഭപാത്രത്തിൽ നിക്ഷേപിച്ചതായി ഉയർന്ന പരാതിയിൽ സർക്കാ‌ർ അന്വേഷണത്തിന് ഉത്തരവിട്ടു. പാകിസ്ഥാനിലെ സിന്ദ് പ്രവിശ്യയിലാണ് ഞെട്ടിക്കുന്ന സംഭവം നടന്നത്.

തർപർക്കർ ജില്ല സ്വദേശിയും 32കാരിയുമായ ഹിന്ദു യുവതിയാണ് ആശുപത്രി ജീവനക്കാരുടെ അനാസ്ഥയ്ക്ക് ഇരയായത്. പ്രസവസമയം അടുത്തതിനെത്തുടർന്ന് പ്രദേശത്തെ ഗ്രാമീണ ആരോഗ്യ കേന്ദ്രത്തിൽ എത്തിയതായിരുന്നു യുവതി. അവിടെ വനിതാ ഗൈനക്കോളജി ഡോക്ടർ ഇല്ലാത്തതിനാൽ ആശുപത്രിയിലെ ജീവനക്കാരൻ പ്രസവമെടുക്കാൻ ശ്രമിച്ചതാണ് അപകടത്തിൽ കലാശിച്ചത്. ശസ്ത്രക്രിയയിലൂടെ കുഞ്ഞിനെ പുറത്തെടുക്കാൻ ശ്രമിക്കുന്നതിനിടെ തല വേർപ്പെട്ട് യുവതിയുടെ ഗർഭപാത്രത്തിനുള്ളിൽ കുടുങ്ങുകയായിരുന്നു.

പിന്നാലെ യുവതിയെ സമീപത്തെ മറ്റൊരു ആശുപത്രിയിൽ എത്തിക്കുകയും അവിടെയും വേണ്ടത്ര സൗകര്യമില്ലാത്തതിനാൽ ജാംഷോറോയിലെ ലിയാഖത്ത് യൂണിവേഴ്സിറ്റി ഓഫ് മെഡിക്കൽ ആൻഡ് ഹെൽത്ത് സയൻസസിൽ (എൽയുഎംഎച്ച്എസ്) എത്തിക്കുകയും കുഞ്ഞിന്റെ തല പുറത്തെടുക്കുകയുമായിരുന്നു. ശസ്ത്രക്രിയയ്ക്കിടെ ഗർഭപാത്രം തകർന്നതിനാൽ വയറ് തുറന്നാണ് കുഞ്ഞിന്റെ തല പുറത്തെടുത്തത്.

സംഭവത്തിൽ അന്വേഷണം ആരംഭിച്ചതായി അധികൃതർ അറിയിച്ചു. മാത്രമല്ല ആശുപത്രിയിൽ സ്ട്രെച്ചറിൽ കിടക്കുകയായിരുന്ന യുവതിയുടെ ദൃശ്യങ്ങളും ചിത്രങ്ങളും പകർത്തുകയും പ്രചരിപ്പിക്കുകയും ചെയ്തവർക്കെതിരെ നടപടി സ്വീകരിക്കുമെന്നും അധികൃതർ വ്യക്തമാക്കി.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: CASE DIARY, NEWBORN, HEAD, CUTOFF, STAFF, WOMB, PAKISTAN, SINDH
KERALA KAUMUDI EPAPER
Kaumudi Salt & Pepper
TRENDING IN CASE DIARY
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.