നഗരസഭാ ജീവനക്കാർ പ്രതിഷേധിച്ചു

ആലപ്പുഴ: കേരള മുനിസിപ്പൽ ആൻഡ് കോർപ്പറേഷൻ സ്റ്റാഫ് അസോസിയേഷന്റെ നേതൃത്വത്തിൽ ആലപ്പുഴ നഗരസഭാ ജീവനക്കാർ നഗരസഭാ ഓഫീസിന് മുന്നിൽ പ്രതിഷേധയോഗം സംഘടിപ്പിച്ചു. ജീവനക്കാരുടെ ശമ്പളവും പെൻഷനും സർക്കാർ ഏറ്റെടുക്കുക, പൊതു സ്ഥലമാറ്റം ഉടൻ നടപ്പിലാക്കുക, ലീവ് സറണ്ടർ പുനഃസ്ഥാപിക്കുക, ഡി.എ കുടിശ്ശിക അനുവദിക്കുക, മെഡിസെപ്പിലെ അപാകതകൾ പരിഹരിക്കുക, നഗരസഭകളുടെ പദ്ധതി വിഹിതം വെട്ടി കുറയ്ക്കുന്നതിനുള്ള തീരുമാനം പിൻവലിക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം. കെ.എം.സി.എസ്.എ
സംസ്ഥാന സെക്രട്ടേറിയറ്റ് അംഗങ്ങളായ സി.ജയകുമാർ, എ.ജി.ഷൈജു,പുഷ്പമ്മ തോമസ്, കെ.ഹരികുമാർ, യൂണിറ്റ് പ്രസിഡന്റ് സുധിൻ, ജിഷ തുടങ്ങിയവർ സംസാരിച്ചു.