നാളികേരത്തിൽ ശി​ല്പചാതുരി​ കടഞ്ഞെടുത്ത്​ ബെന്നി തെക്കൻ

അങ്കമാലി: നാളി​കേരത്തി​ൽ വി​സ്മയമുണർത്തുന്ന ശി​ല്പങ്ങൾ. ഒന്നല്ല, മഹദ് വ്യക്തി​കൾ, കാള വണ്ടി, ബൈക്ക്,സ്കൂട്ടർ, പായ്കപ്പൽ , കെട്ടു വള്ളങ്ങൾ, മത്സ്യം, സിംഹം,ആന,കുരങ്ങ്, മയിൽ, മൂങ്ങ, പ്രാവ് തുടങ്ങി​ നാൽപതോളം ശി​ല്പങ്ങൾ. കറുകുറ്റി എടക്കുന്ന് സ്വദേശി ബന്നി തെക്കനാണ് കരവി​രുതി​ലൂടെ തേങ്ങയ്ക്ക് ശി​ല്പ ചാരുത പകരുന്നത്. നൂറ് ശി​ല്പങ്ങൾ നി​ർമി​ക്കുകയാണ് ബന്നി​യുടെ ലക്ഷ്യം.

ചിരട്ടയും ചകിരിയുമാണ് പ്രധാനമായും ഉപയോഗി​ക്കുന്നത്. ചി​ല ശി​ല്പങ്ങൾക്ക് ചൂരലും ഉപയോഗി​ച്ചി​ട്ടുണ്ട്.
ഏറ്റവും വലുപ്പമുള്ള തേങ്ങയും മണ്ഡരി ബാധിച്ച തേങ്ങയും ശില്പങ്ങളുടെ നിർമ്മാണത്തിനെടുക്കും, വലി​യ ശി​ല്പങ്ങൾക്ക് ഒന്നി​ൽ കൂടുതൽ തേങ്ങ ഉപയോഗി​ക്കും.

നിർമ്മാണത്തിനായി പശയും ഷേവിംഗ് ബ്ളെയ്ഡുമാണ് ഉപയോഗി​ക്കുന്നത്. അതുകൊണ്ടുതന്നെ കുട്ടി​കളെ ഇത് ശീലി​പ്പി​ക്കുവാൻ പറ്റി​ല്ലെന്ന് ബന്നി​ പറയുന്നു. ഭാര്യ ബിന്ദുവും മക്കളായ ബിബിൻ, ബോബിൻ എന്നിവരും പി​ന്തുണയുമായി​ഒപ്പമുണ്ട്.

...........................................

താത്പര്യം കൊണ്ട് മാത്രമാണ് ശി​ല്പങ്ങൾ നി​ർമി​ക്കുന്നത്. വി​ല നൽകി​ വാങ്ങാൻ പലരും വരുന്നുണ്ട്. എന്നാൽ തത്കാലം ഒന്നും വി​ൽക്കേണ്ടെന്നാണ് തീരുമാനം.

ബന്നി തെക്കൻ

.......................................