സിൽവർലൈൻ വിരുദ്ധ സമിതി വാർഷികം

വടകര: ചോറോട് സിൽവർലൈൻ വിരുദ്ധ ജനകീയ സമിതിയുടെ രണ്ടാംവാർഷിക ദിനത്തിന്റെ സമാപന സമ്മേളനം കെ.കെ.രമ എം.എൽ.എ ഉദ്ഘാടനം ചെയ്തു. സിൽവർ ലൈൻ പദ്ധതിക്കെതിരെ സ്ത്രീകൾ മുന്നിട്ടിറങ്ങണമെന്ന് അവർ പറഞ്ഞു. പദ്ധതിക്കെതിരെയുള്ള സമരത്തിൽ പോലീസിനെ ഉപയോഗിച്ച് സ്ത്രീകളെ അടിച്ചമർത്തുകയാണ്. ഇനി വരാൻ പോകുന്നത് പോരാട്ടത്തിന്റെയും അതിജീവനത്തിന്റെയും നാളുകളാണെന്നും സ്ത്രീകൾ സമരസജ്ജരാകണമെന്നും അവർ പറഞ്ഞു. സമരസമിതി ചെയർമാൻ സി. നിജിൻ അദ്ധ്യക്ഷത വഹിച്ചു. എം.പി.രാജൻ, മോളി ജയൻ, സജീവൻ. പി.എം, സുരേഷ്. കെ.എം, ജീശേഷ് കുമാർ,ജയൻ. എം.പി, രതീശൻ.കെ.കെ, ടി.കെ വിജയൻ, അനൂപ് കുമാർ, ബിജു.കെ.കെ, അസ്‌ലം എന്നിവർ പ്രസംഗിച്ചു.