മുക്കത്ത് ലഹരി വിരുദ്ധ സദസ്

മുക്കം: ലഹരി മുക്ത ക്യാമ്പയിനിന്റെ ഭാഗമായി വ്യാപാരി വ്യവസായി സംയുക്ത കൂട്ടായ്മ മുക്കത്ത് ലഹരി വിരുദ്ധ സദസ് സംഘടിപ്പിച്ചു. ലഹരി വസ്തുക്കളുടെ ഉപയോഗം ഗണ്യമായി വർദ്ധിച്ച പശ്ചാത്തലത്തിൽ ശക്തമായ പ്രതിരോധം തീർക്കാൻ കൂട്ടമായ പരിശ്രമം വേണമെന്ന് സദസ് അഭിപ്രായപ്പെട്ടു. നഗരസഭ ചെയർമാൻ പി.ടി.ബാബു ഉദ്ഘാടനം ചെയ്തു. വ്യാപാരി വ്യവസായി ഏകോപന സമിതി പ്രസിഡന്റ് പി.അലി അക്ബർ അദ്ധ്യക്ഷത വഹിച്ചു. മുക്കം പൊലീസ് സബ് ഇൻസ്പെക്ടർ പി.അസൈൻ മുഖ്യപ്രഭാഷണം നടത്തി. നഗരസഭ കൗൺസിലർ പ്രജിത പ്രദീപ് പ്രതിജ്ഞ ചൊല്ലി കൊടുത്തു. റഫീഖ് മാളിക, കെ.എം.കുഞ്ഞവറാൻ, യു.കെ.ശശിധരൻ, ജയ്സൺ കാക്കശ്ശേരി, എൻ.എം.ഹാഷിർ എന്നിവർ പ്രസംഗിച്ചു. ടി.എ.അശോകൻ സ്വാഗതവും അനീസുദ്ദീൻ നന്ദിയും പറഞ്ഞു.