ഫിറ്റ്നസ് ജേതാവ് പീറ്റർ ജോസഫിനെ ആദരിച്ചു

കൊച്ചി: ഫിറ്റ്നസ് രംഗത്തെ നേട്ടങ്ങളും സേവനങ്ങളും കണക്കിലെടുത്ത് കാലടി കൊറ്റമം സ്വദേശി പീറ്റർ ജോസഫിനെ (62) അമേരിക്കൻ യൂണിവേഴ്സിറ്റി ആദരിച്ചു. ഓൾ ഇന്ത്യ യൂണിവേഴ്സിറ്റി വെയ്റ്റ്‌ലിഫ്റ്റ് ചാമ്പ്യൻഷിപ്പ് ഉൾപ്പെടെ ഒട്ടേറെ അംഗീകാരങ്ങൾ നേടിയ ഇദ്ദേഹം 2010ൽ 50-ാം വയസ്സിൽ ജയ്പൂരിൽ നടന്ന മത്സരത്തിൽ മിസ്റ്റർ ഇന്ത്യ പട്ടം നേടിയിരുന്നു.

രാജ്യാന്തര മത്സരങ്ങളിലും റെയിൽവേയിലെ ഔദ്യോഗിക ജീവിതത്തിലും നേട്ടങ്ങൾ കൈവരിച്ചിട്ടുണ്ട്. എടക്കുന്ന് നൈപ്യുണ്യ സ്‌കൂൾ അദ്ധ്യാപിക ബിസയാണ് ഭാര്യ. മക്കൾ: മരിയ (എൻജിനിയർ, ന്യൂസീലൻഡ്), എൽസ (ആർക്കിടെക്ട് ), ലിയാൻ (എൻജിനിയറിംഗ് വിദ്യാർത്ഥി, ജർമ്മനി).