സി.എച്ച്. കണാരൻ ചരമദിനം

തലശ്ശേരി: സി.പി.എം സംസ്ഥാന സെക്രട്ടറിയായിരുന്ന സി.എച്ച്. കണാരന്റെ ചരമവാർഷിക ദിനം വിവിധ ഭാഗങ്ങളിൽ ആചരിച്ചു.
കതിരൂർ പുല്യോട്ട് സി.എച്ച്. പ്രതിമയിൽ കണ്ണൂർ ജില്ലാ സെക്രട്ടറി എം.വി. ജയരാജന്റ നേതൃത്വത്തിൽ പുഷ്പാർച്ചനടത്തി. അഡ്വ. എ.എൻ. ഷംസീർ എം.എൽ.എ, പി. ശശി, എം.സി. പവിത്രൻ, പി.പി. സനിൽ, മുഹമ്മദ് അഫ്സൽ, കെ.വി. പവിത്രൻ, കാരായി ബാലൻ, എ.വാസു, പുത്തലത്ത്സുരേഷ് ബാബു എന്നിവർ പങ്കെടുത്തു. അനുസ്മരണ സമ്മേളനം സി.പി.എം സംസ്ഥാന കമ്മിറ്റി അംഗം പി. ജയരാജൻ ഉദ്ഘാടനം ചെയ്തു. കതിരൂർ ലോക്കൽ സെക്രട്ടറി കെ.വി. പവിത്രൻ അദ്ധ്യക്ഷത വഹിച്ചു. ഏരിയാ സെക്രട്ടി എം.സി. പവിത്രൻ, പി. സുരേഷ് ബാബു എന്നിവർ സംസാരിച്ചു.
സി.എച്ച്. കണാരൻ ദിനത്തിൽ മാടപ്പീടിക കേന്ദ്രീകരിച്ച് പ്രകടനവും പുഷ്പാർച്ചനയും അനുസ്മരണ യോഗവും നടന്നു.