പിഷാരികാവിൽ തൃക്കാർത്തിക സംഗീതോത്സവത്തിന് തുടക്കം

കൊയിലാണ്ടി: കൊല്ലം പിഷാരികാവ് ക്ഷേത്രത്തിലെ തൃക്കാർത്തിക സംഗീതോത്സവത്തിന് തുടക്കമായി. ചലച്ചിത്ര സംഗീതസംവിധായകൻ വിദ്യാധരൻ ഉദ്ഘാടനം നിർവഹിച്ചു. ട്രസ്റ്റീ ബോർഡ് ചെയർമാൻ പുനത്തിൽ നാരായണൻകുട്ടി നായർ അദ്ധ്യക്ഷനായിരുന്നു.

ചടങ്ങിൽ പ്രഥമ തൃക്കാർത്തിക പുരസ്‌കാരം വിദ്യാധരന് സമ്മാനിച്ചു. ശബരിമല മാളികപ്പുറം മേൽശാന്തി ശംഭു നമ്പൂതിരിയെ പിഷാരികാവ് മേൽശാന്തി എൻ. നാരായണൻ മൂസത് പൊന്നാടയണിയിച്ച് ആദരിച്ചു. എക്സിക്യൂട്ടിവ് ഓഫീസർ കെ. വേണു ഉപഹാരം സമർപ്പിച്ചു. ദേവസ്വം ബോർഡ് അംഗം കെ.രവീന്ദ്രനെ എ.പി.സുധീഷ് പൊന്നാടയണിയിച്ചു. ബാലൻ കീഴയിൽ ഉപഹാരം നൽകി. ട്രസ്റ്റിമാരായ ഇളയിടത്ത് വേണുഗോപാൽ, വാഴയിൽ ബാലൻ നായർ, മുണ്ടയ്ക്കൽ ഉണ്ണികൃഷ്ണൻ നായർ, പി.പി. രാധാകൃഷ്ണൻ, പ്രമോദ് തുന്നോത്ത്, ടി.കെ. രാജേഷ് എന്നിവരെ കൂടാതെ വി.പി. ഭാസ്‌കരൻ, കെ.കെ. രാകേഷ്, എം.എം. രാജൻ തുടങ്ങിയവരും സംസാരിച്ചു.