അഖിലേന്ത്യ സഹകരണ വാരാഘോഷം

പറവൂർ: 68-ാമത് അഖിലേന്ത്യാ സഹകരണ വാരാഘോഷങ്ങളുടെ ജില്ലാതല ഉദ്ഘാടനം നാളെ വടക്കേക്കര സർവീസ് സഹകരണ ബാങ്ക് ഓഡിറ്റോറിയത്തിൽ നടക്കും. രാവിലെ 10ന് മന്ത്രി പി. രാജീവ് ഉദ്ഘാടനം ചെയ്യും. ഹൈബി ഈഡൻ എം.പി അദ്ധ്യക്ഷനാകും. 'സമ്പൽസമൃദ്ധി സഹകരണത്തിലൂടെ' എന്ന വിഷയത്തിൽ പി. ജയരാജൻ പ്രബന്ധാവതരണം നടത്തും. ഷീല ചന്ദ്രൻ മോഡറേറ്ററാകും. എം.പി മാരായ ബെന്നി ബഹന്നാൻ, ഡീൻ കുര്യാക്കോസ്, തോമസ് ചാഴിക്കാടൻ, തുടങ്ങിയവർ സംസാരിക്കും. വാർത്താസമ്മേളനത്തിൽ സർക്കിൾ സഹകരണ യൂണിയൻ ചെയർമാൻ പി.പി. അജിത്ത് കുമാർ, വടക്കേക്കര സർവീസ് സഹകരണ ബാങ്ക് പ്രസിഡന്റ് ആർ.കെ. സന്തോഷ്, എം.കെ. കുഞ്ഞപ്പൻ എന്നിവർ പങ്കെടുത്തു.