ജനജാഗ്രൻ അഭിയാൻ-ജന ജാഗ്രത പദയാത്ര നാളെ തുടങ്ങും 

കാസർകോട്: എ ഐ സി സി യുടെ ആഹ്വാനപ്രകാരം വിലക്കയറ്റത്തിനും പണപ്പെരുപ്പത്തിനുമെതിരെ കോൺഗ്രസ് രാജ്യവ്യാപകമായി നടത്തുന്ന ജനജാഗ്രൻ അഭിയാൻ-ജന ജാഗ്രത പദയാത്ര നവംബർ 25,26 തീയതികളിൽ കാസർകോട് പുതിയ ബസ്റ്റാന്റ് മുതൽ പാലക്കുന്ന് വരെ നടത്തും. പരിപാടി വിജയിപ്പിക്കാൻ കോൺഗ്രസ് ഓഫീസിൽ ചേർന്ന മണ്ഡലം പ്രസിഡന്റുമാരുടെയും പോഷക സംഘടനാ ജില്ലാ പ്രസിഡന്റുമാരുടെയും നേതൃയോഗം തീരുമാനിച്ചു. രാജ്‌മോഹൻ ഉണ്ണിത്താൻ എം.പി ഉദ്ഘാടനം ചെയ്തു. ഡി.സി.സി പ്രസിഡന്റ് പി. കെ ഫൈസൽ അദ്ധ്യക്ഷത വഹിച്ചു. ഡി.സി.സി ഭാരവാഹികളായ എംസി പ്രഭാകരൻ, കരുൺ താപ്പ, എം. കുഞ്ഞമ്പു നമ്പ്യാർ, പി .വി. സുരേഷ്, ഹരീഷ് പി.നായർ, മറ്റു നേതാക്കളായ വി.ദാമോദരൻ, രാജു കട്ടക്കയം, എ .വാസുദേവൻ നായർ,തോമസ് സെബാസ്റ്റ്യൻ,പി .രാമചന്ദ്രൻ, രമേശൻ കരുവാച്ചേരി, ശാന്തകുമാരി , കൃഷ്ണൻ എടത്തോട് എന്നിവർ സംസാരിച്ചു.