'ചാക്യാർകൂത്ത്" അവതരിപ്പിച്ച് കെ.സി.ബി.സി

കൊച്ചി: 'ഹൃദയം കൊണ്ട് കേൾക്കൂ" എന്ന മാർപാപ്പയുടെ മാദ്ധ്യമസന്ദേശം ചാക്യാർകൂത്ത് രൂപത്തിലാക്കി കെ.സി.ബി.സി മീഡിയ കമ്മിഷൻ. പാലാരിവട്ടം പി.ഒ.സിയിലാണ് ആഗോള മാദ്ധ്യമ ദിനത്തോടനുബന്ധിച്ച് പരിപാടി അവതരിപ്പിച്ചത്. ലോകത്ത് ആദ്യമായാണ് പ്രാദേശിക കലാരൂപത്തിൽ മാർപാപ്പയുടെ ലേഖനം അവതരപ്പിക്കുന്നതെന്ന് കെ.സി.ബി.സി ഭാരവാഹികൾ പറഞ്ഞു. കേരളത്തിലെ ഏക ക്രൈസ്തവ ചാക്യാരായ ഡോ.ജാക്‌സൺ തോട്ടുങ്കലാണ് കൂത്ത് നടത്തിയത്. പരിപാടി കെ.സി.ബി.സി ഡെപ്യൂട്ടി സെക്രട്ടറി ജനറൽ ഫാ.ജേക്കബ് ജി. പാലയ്ക്കാപ്പിള്ളി ഉദ്ഘാടനം ചെയ്തു. മീഡിയ കമ്മിഷൻ സെക്രട്ടറി ഫാ.ഡോ.ഏബ്രാഹം ഇരിമ്പിനിക്കൽ അദ്ധ്യക്ഷത വഹിച്ചു.