മത്സ്യത്തൊഴിലാളി സംഘം ധർണ സംഘടിപ്പിച്ചു

വടകര: കോഴിക്കോട് ജില്ലാ മത്സ്യതൊഴിലാളി സംഘം (ബി.എം.എസ്) ചോമ്പാൽ ഹാർബറിൽ നടത്തിയ പ്രതിഷേധ ധർണ നടത്തി. ബി.എം.എസ് കോഴിക്കോട് ജില്ലാ ഉപാദ്ധ്യക്ഷൻ എ.ശശീന്ദ്രൻ ഉദ്ഘാടനം ചെയ്തു. 60 വയസ് കഴിഞ്ഞ മുഴുവൻ തൊഴിലാളികൾക്കും 5000 രൂപ പെൻഷൻ അനുവദിക്കുക, ക്ഷേമനിധി ബോർഡിന്റെ പ്രവർത്തനം കാര്യക്ഷമമാക്കുക, ട്രോളിംഗ് സമയത്ത് 10000 രൂപ ധനസഹായം നൽകുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം. പ്രതിഷേധ പരിപാടിയിൽ എൽ.വി.മനോജ്, രവി എരഞ്ഞിക്കൽ, കെ.പി.പ്രകാശൻ ,എം.ബാലകൃഷ്ണൻ തുടങ്ങിയവർ പ്രസംഗിച്ചു.