കണ്ണൂർ: ആദികടലായിൽ വീട്ടിലെ കിടപ്പറയിലെ അലമാരയിൽ സൂക്ഷിച്ച 21 പവൻ മോഷണം പോയതായി പരാതി. ആദികടലായി സ്വദേശി ജയദയുടെ പരാതിയിൽ കണ്ണൂർ സിറ്റി പൊലീസ് കേസെടുത്തു. ഈ കഴിഞ്ഞ മാർച്ച് മാസം മോഷണം നടന്നതായാണ് പരാതിയിൽ പറയുന്നത്. ജയദയുടെ വീട്ടിൽ പ്രായമായ അമ്മയെ നോക്കാൻ ഒരു യുവതി വന്നിരുന്നു.ഇവർ മൂന്ന് മാസം മുമ്പ് ജോലി നിർത്തിപോയി. കഴിഞ്ഞ ദിവസം ജയദ വീട്ടിലെത്തി സ്വർണാഭരണങ്ങൾ നോക്കിയപ്പോഴാണ് മോഷണം നടന്നതായി കണ്ടത്. മാർച്ച് 19 നും ഏപ്രിൽ ആറിനും ഇടയിലായിരിക്കും മോഷണം നടന്നതെന്നാണ് പരാതിയിൽ പറയുന്നത്. യുവതിയെ ചോദ്യം ചെയ്തിരുന്നെങ്കിലും സംശയാസ്പദമായി ഒന്നും കണ്ടെത്താനായില്ലെന്ന് പൊലീസ് പറഞ്ഞു. ജയദയുടെ പരാതിയിൽ കണ്ണൂർ സിറ്റി പൊലീസ് കേസെടുത്ത് അന്വേഷണം ആരംഭിച്ചു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |