കേരളകൗമുദി- എക്സൈസ് വകുപ്പ് ബോധപൗർണമി സെമിനാർ ഇന്ന്

തിരുവല്ല: കേരളകൗമുദിയുടെയും എക്സൈസ് വകുപ്പിന്റെയും സംയുക്താഭിമുഖ്യത്തിൽ ലഹരിവിരുദ്ധ ബോധവത്കരണ സെമിനാർ ' ബോധപൗർണമി 2022 ' ഇന്ന് കാവുംഭാഗം ദേവസ്വം ബോർഡ് ഹയർസെക്കൻഡറി സ്‌കൂളിൽ നടക്കും. ഉച്ചയ്ക്ക് രണ്ടിന് തിരുവല്ല നഗരസഭാദ്ധ്യക്ഷ ശാന്തമ്മ വർഗീസ് ഉദ്ഘാടനം ചെയ്യും. പി.ടി.എ പ്രസിഡന്റ് ഗോപി ദാസ് അദ്ധ്യക്ഷത വഹിക്കും. കേരളകൗമുദി പത്തനംതിട്ട യുണിറ്റ് ചീഫ് അഭിലാഷ് ബി.എൽ. ആമുഖപ്രസംഗം നടത്തും. തുടർന്ന് എക്സൈസ് തിരുവല്ല റേഞ്ച് ഇൻസ്‌പെക്ടർ പ്രസന്നൻ. ജി ലഹരിവിരുദ്ധ ബോധവൽക്കരണ ക്ളാസെടുക്കും. സ്‌കൂൾ ഹെഡ്മിസ്ട്രസ് ലത. എസ് സ്വാഗതവും സ്റ്റാഫ് സെക്രട്ടറി ലളിതാമണിയമ്മ നന്ദിയും പറയും.