വേമ്പനാട് കായൽ ശുദ്ധീകരണത്തിന് അതോറിട്ടി: മുഖ്യമന്ത്രി

ആലപ്പുഴ: വേമ്പനാട് കായൽ സംരക്ഷണം വിവിധ വകുപ്പുകളുടെ ഏകോപനത്തോടെ നടത്തുമെന്നും ഇതിനായി അതോറി​ട്ടി രൂപീകരിക്കുന്നത് പരിശോധിക്കുമെന്നും മുഖ്യമന്ത്രി പിണറായി വിജയൻ നിയമസഭയിൽ പറഞ്ഞു. ചെളിയും എക്കലും അടിഞ്ഞതുമൂലംകായലിന്റെ ജലസംഭരണ ശേഷി ഗണ്യമായി കുറഞ്ഞതായി ഡോ. എം.എസ്. സ്വാമിനാഥൻ ഫൗണ്ടേഷന്റെ പഠനത്തിൽ കണ്ടെത്തിയിരുന്നു. ഇവ നീക്കം ചെയ്യുന്നതിന് പ്രാഥമിക പ്രവൃത്തി എന്ന നിലയിൽ 10 കി.മീ​റ്റർ ചു​റ്റളവുള്ള 'ആർ ബ്ലോക്ക്' പാടശേഖരത്തിൽ എക്കലും ചെളിയും ഉപയോഗിച്ച് പുറംബണ്ട് നിർമ്മിക്കുന്ന പദ്ധതിക്ക് രൂപം നൽകിയിട്ടുണ്ട്. സർക്കാരും പാടശേഖര സമിതിയും ചേർന്നുള്ള പൊതുസ്വകാര്യ പങ്കാളിത്ത മാതൃകയിൽ ഇത് നടപ്പാക്കാനുള്ള നിർദേശം പരിഗണനയിലാണ്. നിലവിലെ കായൽ കയ്യേ​റ്റങ്ങൾ പരിശോധിച്ച് തുടർനടപടിയെടുക്കാൻ കളക്ടർ ചെയർമാനായി സമിതി രൂപീകരിച്ചതായും കെ.ബാബുവിന്റെ ശ്രദ്ധക്ഷണിക്കലിന് മുഖ്യമന്ത്രി മറുപടി നൽകി.