വിശ്രുത റഷ്യൻ കഥകൾ പ്രകാശനം

കടലുണ്ടി: ഡോ. ശരത് മണ്ണൂരിന്റെ പുതിയ പുസ്തകമായ 'വിശ്രുത റഷ്യൻ കഥകൾ' അദ്ദേഹത്തിന്റെ ആദ്യകാല അദ്ധ്യാപകനായ പി.വി വാസുദേവൻ പ്രകാശനം ചെയ്തു. അദ്ധ്യാപക ദിനത്തിൽ അദ്ദേഹത്തിന്റെ വീടങ്കണത്തിൽ നടന്ന പരിപാടിയിൽ ആനന്ദകൃഷ്ണൻ പ്രബോധിനി അദ്ധ്യക്ഷത വഹിച്ചു. സാംസ്‌കാരിക പ്രവർത്തകൻ പി.ടി സേതുമാധവൻ പുസ്തകം ഏറ്റുവാങ്ങി. മനോജ്‌ മുല്ലപ്പള്ളി, ഗണേശൻ കുറ്റിക്കാട്ടിൽ, ഭാനുമതി എന്നിവർ പ്രസംഗിച്ചു. പൂർവവിദ്യാർത്ഥികൾ വാസുദേവനെ പൊന്നാടയണിയിച്ച് ആദരിക്കുകയും ചെയ്തു. യുവകലാസാഹിതിയുടെ ജില്ലാ പ്രസിഡന്റും സാംസ്കാരിക പ്രവർത്തകനുമാണ് ഡോ. ശരത് മണ്ണൂർ.