കണ്ണൂർ:ഗവ.കോളേജ് ഓഫ് എൻജിനീയറിംഗ് കണ്ണൂരിന് ദേശീയ പുരസ്കാരത്തിന്റെ അഭിമാനത്തിളക്കം. ഈ വർഷത്തെ മികച്ച ഇന്ത്യൻ കോൺക്രീറ്റ് ഇൻസ്റ്റിറ്റ്യൂട്ട് (ഐ.സി.ഐ ) സ്റ്റുഡന്റ്സ് ചാപ്റ്ററിനുള്ള ദേശീയ അവാർഡാണ് കണ്ണൂർ ഗവ.എൻജിനീയറിംഗ് കോളേജ് സ്വന്തമാക്കിയത്. സെപ്തംബർ 23 ന് ന്യൂഡൽഹിയിൽ നടന്ന ഐ.സി.ഐ ഇന്റർനാഷണൽ കോൺഫറൻസിൽ വച്ചായിരുന്നു അവാർഡ് ദാനം.
ഐ.സി.ഐ ജി.സി.ഇ കണ്ണൂർ സ്റ്റുഡന്റ്സ് ചാപ്റ്ററിന്റെ ഫാക്കൽറ്റി കോർഡിനേറ്റർ ഡോ.ദീപു .എസ്.പി, മുൻ എക്സിക്യൂട്ടീവ് കമ്മിറ്റി അംഗങ്ങളായ പി.കെ.ദർശന (ചെയർ പേഴ്സൺ) , കെ.വി.ഷിറിൻ (സെക്രട്ടറി), മാളവിക അനൂപ് (ജോയിന്റ് സെക്രട്ടറി),പി.പി.സായൂജ് മനോജ് ( ട്രഷറർ), എ.ശ്രീലക്ഷ്മി (ലെയ്സൺ ഓഫീസർ ), കെ.പി.തന്മയ ശശിധരൻ ( സോഷ്യൽ മീഡിയ ഹെഡ്), ഈ വർഷത്തെ ഐ.സി.ഐ ജി.സി.ഇ കെ ചെയർപേഴ്സൺ ശ്രേയ സുകുമാരൻ , സെക്രട്ടറി എ.കെ.ഹരിശ്യാം എന്നിവർ ചേർന്ന് അവാർഡ് ഏറ്റുവാങ്ങി.
ഐ.സി.ഐ കാലിക്കറ്റ് സെന്റർ ചെയർമാൻ ഷാജു കൊല്ലമ്പലത്തും സംബന്ധിച്ചു.ചടങ്ങിൽ ഇന്ത്യയിൽ നിന്നും വിദേശത്തു നിന്നുമുള്ള നിരവധി വിശിഷ്ടാതിഥികൾ പങ്കെടുത്തു.കോളേജിലെ 192 വിദ്യാർത്ഥികൾ അംഗമായുള്ള ഈ സംഘടന 2021-22 വർഷത്തെ കാലിക്കറ്റ് സെന്ററിനു കീഴിലെ മികച്ച ഐ.സി.ഐ സ്റ്റുഡന്റ് ചാപ്റ്ററിനുള്ള അൾട്രാ ടെക് അവാർഡും സ്വന്തമാക്കിയിരുന്നു.
അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |