സർക്കാർ അനാസ്ഥ വെടിയണം, ജോസഫ്.

കോട്ടയം . നിത്യോപയോഗ സാധന വില ഇരട്ടിയിലധികം വർദ്ധിച്ചിട്ടും വിപണിയിൽ ഇടപെടാൻ തയ്യാറാകാതെ സംസ്ഥാന സർക്കാർ അനാസ്ഥ കാട്ടുകയാണന്ന് കേരള കോൺഗ്രസ് ചെയർമാൻ പി ജെ ജോസഫ് പറഞ്ഞു. നിത്യോപയോഗ സാധനങ്ങളുടെ വിലയിൽ 5 വർഷവും വർദ്ധനവ് ഉണ്ടാകില്ലന്ന് നിയമസഭാ തിരഞ്ഞെടുപ്പിൽ എൽഡിഎഫ് നൽകിയ വാഗ്ദാനം പാലിക്കാൻ സർക്കാരിന് കഴിഞ്ഞിട്ടില്ല. വിപണിയിൽ ഇടപെട്ട് വില നിലവാരം പിടിച്ച് നിറുത്താൻ സിവിൽ സപ്ലൈസ് കോർപ്പറേഷൻ, കൺസ്യൂമർ ഫെഡറേഷൻ എന്നിവർ യാതൊരു നടപടിയും സ്വീകരിക്കാത്തത് പ്രതിഷേധാർഹമാണ്. ഇത്തരം സ്ഥാപനങ്ങളുടെ പ്രവർത്തനങ്ങൾ വിലയിരുത്താൻ വകുപ്പ് മേധാവികൾ തയ്യാറാകണമെന്നും അദ്ദേഹം ആവശ്യപ്പെട്ടു.