SignIn
Kerala Kaumudi Online
Friday, 20 September 2024 5.07 PM IST

കളക്ടറേറ്റ് വളപ്പിൽ സർവേക്കല്ല് സ്ഥാപിക്കാൻ ശ്രമം; യൂത്ത് കോൺഗ്രസ് നേതാക്കളെ അറസ്റ്റുചെയ്തു

Increase Font Size Decrease Font Size Print Page
youth
കളക്ടറേറ്റ് വളപ്പിൽ കെ.റെയിൽ കുറ്റി നാട്ടി യൂത്ത് കോൺഗ്രസ് പ്രവർത്തകർ പ്രതിഷേധിക്കുന്നു

കണ്ണൂർ:കെ റെയിൽ പദ്ധതി ഉപേക്ഷിക്കണമെന്നാവശ്യപ്പെട്ട് യൂത്ത് കോൺഗ്രസ് പ്രവർത്തകർ കളക്ടറേ​റ്റ് വളപ്പിൽ കെ റെയിൽ കല്ല് സ്ഥാപിക്കാൻ ശ്രമിച്ചത് കണ്ണൂരിൽ ചെറിയ സംഘർഷത്തിനിടയാക്കി. ഇന്നലെ ഉച്ചയോടെ ഡി.സി.സി ഓഫീസ് പരിസരത്ത് നിന്നും പ്രകടനമായെത്തിയ പ്രവർത്തകർ പൊലീസിനെ വെട്ടിച്ചാണ് കളക്ടറേ​റ്റിലേക്ക് കടന്നത്. പ്രവർത്തകർ കളക്ടറേ​റ്റ് പ്രധാന കവാടം വഴി സിവിൽ സ്​റ്റേഷൻ വളപ്പിൽ കടന്ന് മുദ്റാവാക്യം വിളിച്ച് കല്ല് നാട്ടുകയായിരുന്നു. ഇവരെ അറസ്​റ്റു ചെയ്യാള്ള ശ്രമം ഉന്തിലും തള്ളിലും കലാശിച്ചു.

ജില്ലാ പ്രസിഡന്റ് സുദീപ് ജെയിംസ്, റിനിൽ മതുക്കോത്ത്, നികേത് നാറാത്ത് തുടങ്ങിയവരുടെ നേതൃത്വത്തിലുള്ള പ്രർത്തകരാണ് പ്രതിഷേധ സമരവുമായെത്തിയത്.ടൗൺ സി.ഐ ശ്രീജിത്ത് കോടേരിയുടെ നേതൃത്വത്തിലെത്തിയ പൊലീസുകാർ രാവിലെ മുതൽ കളക്ടറേ​റ്റിലെ രണ്ട് കവാടത്തിലും നിലയുറപ്പിച്ചിരുന്നുവെങ്കിലും പ്രവർത്തകർ ഇവരെവെട്ടിച്ച് ഉള്ളിലേക്ക് കയറി.സമരത്തിന് നേതൃത്വം കൊടുത്ത ജില്ലാ പ്രസിഡന്റ് സുദീപ് ജെയിംസ്, കെ .കമൽജിത്, സന്ദീപ് പണപ്പുഴ, ശ്രീജേഷ് കൊയ്‌ലറിയാൻ, പ്രനിൽ മാതുകോത്, പി .ഇമ്രാൻ, സുധീഷ് കുന്നത് എന്നിവരെ അറസ്റ്റുചെയ്തുനീക്കുകയായിരുന്നു.

അപ്ഡേറ്റായിരിക്കാം ദിവസവും
ഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ
TAGS: LOCAL NEWS, KANNUR
KERALA KAUMUDI EPAPER
Kaumudi Salt & Pepper
TRENDING IN LOCAL
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.