എസ് എസ് എൽ സി, പ്ലസ് ടൂ പരീക്ഷകൾ മാറ്റിവയ്‌ക്കണമെന്ന് സർക്കാർ; വോട്ടെടുപ്പിന് ശേഷം മതിയെന്ന് ആവശ്യം

തിരുവനന്തപുരം: എസ് എസ് എൽ സി, പ്ലസ് ടൂ പരീക്ഷകൾ മാറ്റിവയ്‌ക്കണമെന്ന് സംസ്ഥാന സർ‌ക്കാർ. ഈ മാസം പതിനേഴിന് തുടങ്ങുന്ന പരീക്ഷകൾ മാറ്റിവയ്‌ക്കണമെന്ന് സർക്കാർ തിരഞ്ഞെടുപ്പ് കമ്മിഷനോടാണ് ആവശ്യപ്പെട്ടത്. വോട്ടെടുപ്പിന് ശേഷം പരീക്ഷ നടത്തണമെന്നാണ് ആവശ്യം.

അദ്ധ്യാപകർക്ക് തിരഞ്ഞെടുപ്പ് ഡ്യൂട്ടി ഉളളതിനാലാണ് പരീക്ഷകൾ മാറ്റിവയ്‌ക്കാൻ സർക്കാർ ആവശ്യപ്പെട്ടിരിക്കുന്നത്. ഇക്കാര്യം നേരത്തെ ഇടത് അദ്ധ്യാപക സംഘടനകൾ സർക്കാരിനോട് ആവശ്യപ്പെട്ടിരുന്നു. ചീഫ് ഇലക്ട്രറൽ ഓഫീസർ സർക്കാരിന്റെ കത്ത് കേന്ദ്ര തിരഞ്ഞെടുപ്പ് കമ്മിഷന് അയച്ചു. മാർച്ച് 17 മുതൽ മാർച്ച് 30 വരെയാണ് എസ് എസ് എൽ സി പരീക്ഷകൾ നിശ്‌ചയിച്ചിരിക്കുന്നത്.